Ózbekstan respublikasi joqarí HÁm orta arnawlí bilim ministrligi

4-tema. Hár qıylı jastaǵı gruppalarda shınıǵıwlar ótkeriwdiń qásiyetleri
Shuǵıllanatuǵınlardı tayarlaw olardıń jasın, anatomik, fiziologikalıq hám psixik qásiyetlerin esapqa alǵan halda ámelge asırıladı. 8-11 jaslı balalardıń funktsional múmkinshilikleri salıstırǵanda tómenligin esapqa alıw hám soǵan muwapıq shuǵıllanatuǵınlarǵa ózgeshe itibar menen jantasıw kerek. 8-11 jastaǵı futbolshılarǵa top penen mámile etiw texnikası hám oyın taktikasın úyretiwde sol jasǵa uyqas shınıǵıwlar járdeminde shınıǵıw ótkeriw maqsetke muwapıq bolıp tabıladı. Bir shınıǵıwda ekew yamasa ush texnikalıq usıldı úyretiw múmkin.
5-tema. Futbolshılardı psixologik tayarlaw
Futbolshınıń shınıǵıw qılıw iskerliginde júzege kelgen ayırım háreket ilmiy tájriybeleri, taktik kombinatsiyalar hám taǵı basqalar sportshılarda háreket programmasın formalandırıwǵa alıp keledi. Formalandırılǵan programma psixika arqalı basqarıladı. Sportshınıń háreket programması eki jol menen islep shıǵıladı. Atap aytqanda háreketlerdi kóbirek tákirarlaw jolı menen hám maqsetke muwapıq - bul arnawlı jol sportshı háreketin basqarıw ushın psixikanıń kerekli tárepin shınıǵıw etdiriw, jarıs protsessinde rawajlandırıwǵa járdem beredi. Házirgi zaman talabına kóre sportshınıń jarısqa tayarlıq awhalı áhmiyetli mashqala bolıp esaplanadı.
6-tema. Toptı toqtatıw texnikasın úyretiw
Toptı toqtatıw usılı toptı qolǵa kiritiw hám basqarıwda eń áhmiyetli usıl bolıp tabıladı. Toqtatıwdan baslı maqset háreketlenip kiyatırǵan toptı keyingi ilajlardı ámelge asırıw maqsetinde toqtatıp keyin háreketleniw bolıp tabıladı. «Toptı toqtatıw» termininiń ózi kóp hallarda «toptı qayta baǵdarlaw», «toptı qabıllaw» túsiniklerin beriwde de qollanıladı. Sonlıqtan toptı toqtatıw usılları degende biz futbolshınıń toptı pútkilley háreketsizlendiriwin emes, al keyingi háreketler aldınan tayarlanıw halatı dep túsiniwimiz tiyis.
7-tema. Dárwazamannıń oyın (dárwazabannıń) texnikası
Dárwazada háreket etiwshi oyınshınıń texnikası maydanda háreketleniwshi oyınshı texnikasınan túpten parıqlanadı. Bul qaǵıydalarǵa kóre dárwazamanǵa qolda háreketleniw múmkinshiliginde (álbette jariyma (shtraf) maydanı shegarasında) bolıp tabıladı. Dárwazamannıń texnikasına tómendegi usıllar toparı: tutıp alıw, toptı iyelew, toptı jetkerip beriw, soqqı beriw h.t.b.lar kiredi. Oyın sharayatında sherik oyınshılardıń, qarsılas komandanıń oyınshılarınıń jaylasıwınan kelip shıqqan halda, hámde toptıń párwaz etiw traektoriyası hám tezligin, onıń háreketleniw baǵdarın esapqa ala otırıp dárwazaman tárepinen hár qıylı texnikalıq usıllar hámde háreketler ámelge asırıladı.