“ yoshmatematiklar ” kechasi. Boshlovchi

“ Y O S H M A T E M A T I K L A R ” K E C H A S I .
BOSHLOVCHI: Do’stlar, fikrimizga yetishdi fursat
Kechani ochishga etingiz ruxsat
Ma’suliyat yukin zimmaga ortib
Ko’zimiz oldiga ular boshlar bahs
Goho she;r aytishib, goho tushib raqs
Ular harakatin sizlar kuzating
Gar xato qilishsa, ayting tuzating
Hakam hay’atiga ushbu so’zimiz
Kuzating va tinglang har bir so’zimiz
Barcha chiqishlarni aylangiz raqam
Hammaga teng qarang, bo’ling teng hakam
Tomoshabin do’stlar bo’lmang betaraf
Bahoda yutganlar tilang shon-sharaf
Ularni olqishlang uringiz qarsak
Kecha hech qizimas o’tsa beqarsak

Assalomu alaykum aziz va mehribon ustozlar, tinib-tinchimas, bilimga chanqoq talabalar, qadrli do’stlar. Bugun biz sizlarni “Yosh matematiklar” musobaqali kechamizni maroq bilan ko’rishga taklif etamiz. Bugungi bellashuvimizga xush kelibsiz. Bu kun nafaqat o’quvchilarimiz, balki, o’qituvchilarimiz uchun ham hayajonli kundir. Negaki, o’quvchilar matematika fanidan olgan bilimlarini, zukkoliklarini mana bu kun namoyish etadilar.

Hozir biz sizlarni guruhlar ishtirokini va guruh a’zolarining javoblarini baholash uchun tashrif buyurgan hay’at a’zolari bilan tanishtiramiz. Marhamat ( Hay’at a’zolarining nomlari birma-bir aytib o’tiladi )
Raqobat hamisha yuksaklikka chorlaydi
Chuqur bilim olishga porloq yo’l belgilaydi
Shunday ekan, keling bellashuvimizni boshlasak. Bu bellashuvga “Al-Xorazmiy” hamda “Beruniy” guruhlari o’zaro 5 ta shart asosida bellashadilar. 1- shartimiz “Tanishtiruv”, 2-shartimiz “Qiziqarli masalalar”, 3- shartimiz “Krossvord yechish”, 4- shartimiz “Xotira mashqi”, 5- shrtimiz “ Topqirlik mashqi ”. Mana shartlarimiz bilan ham tanishib oldingiz.Endi esa eng hayajonli onlarga vaqt yetdi.1- shrtimizni boshlaymiz . Bu shartimizda har bir guruh o’zini tanishtiradi. Bu shartimizda eng yuqori ball 5 ball, vaqt esa 5 minut. Shartlarimizni “Xorazmiy” guruhi boshlab beradi. Marhamat, 1- shart bo’yicha “Xorazmiy” guruhining chiqishini tomosha qilamiz. ( 1- guruhning chiqishi) Endi esa 1- shart bo’yicha “Beruniy” guruhining chiqishini tomosha qilamiz. (2- guruhning chiqishi)
Rahmat. Guruhlar o’z joylarini egallashdi. Endi hakamlar hay’atiga yuzlanamiz. Ular birinchi shart bo’yicha ikkala guruhning olgan baholarini e’lon qiladilar.
Navbat 2-shartimizga. Bu shart “ Qiziqarli masalalar ” deb nomlanadi. Stol ustida masala shartlari yozilgan varaqalar bor. Har bir guruh vakili shu varaqalardan birini tanlab olib, guruhlari bilan maslahatlashib, javob berishlari kerak. O’ylash uchun 1 daqiqa vaqt beriladi.Har bir to’g’ri javob uchun 2 balldan beriladi. Marhamat “Xorazmiy” guruhidan boshlaymiz…
Ikkinchi shartimizni baholash uchun so’zni hakamlar hay’atiga beramiz. Marhamat.
Endi navbat 3- shartga. Bu shartimiz krossvord yechish. Har bir guruh uchun krossvord tayyorlangan. Har bir guruhdan 2 tadan o’quvchi bu shartni bajarishi kerak. Bu shartimizga 5 minut vaqt berilgan, eng yuqori ball esa 10 ball.
Marhamat guruh vakillari o’z joylaringizni egallang. Demak, tayyor bolsangiz shartimizni boshlaymiz…
3-shartimizning to’g’ri va aniq bajarilganligini hakamlar tekshirib chiqibbaholashlari kerak. Navbatni hakamlar hay’atiga beramiz…
Mana ballarni ham eshitib oldik.Endi esa 4- shartimizni boshlaymiz. Bu shartimiz “xotira mashqi” deb nomlanadi.Bunda har bir guruhdan bittadan ishtirokchi qatnashadi. Avval “Xorazmiy” guruhi ishtirokchisi 7 ta raqam aytadi, “Beruniy” guruhi a’zosi esa u aytgan raqamlarni eslab qolib, takrorlashlari kerak. Keyin esa, “Beruniy” guruhi ishtirokchisi raqam aytadi, “Xorazmiy” guruhi ishtirokchisi eslab qolganlarini aytadilar. Bu shartda har bir to’g’ri raqam uchun 1 balldan beriladi. Marhamat, “Xorazmiy” guruhi ishtirokchisi shartimizni boshlab bering…
4-shartimizni baholash uchun so’zni hakamlar hay’atiga beramiz.
Navbat 5- shartimizga. Bu shartga yana bittadan guruh a’zolarini taklif etamiz. Ular mana bu paketdagi 1 dan 99 gacha bo’lgan aralash raqamlarni 1 minut ichida ketma-ketlik bilan tez va ko’p topishlari kerak.Har vir topilgan raqam uchun 1 ball beriladi. Shartni bajarishga tayyormisizlar? Unda “Xorazmiy” guruhi shartimizni boshlang.
5-shartimizni tugatib oldik. Bu shartni baholash uchun hakamlar hay’atiga murojaat qilamiz.
Mana 5 ta shartimiz o’z nihoyasiga yetdi. Endi eng hayajonli daqiqa. Eng zukko, bilimdon guruhni aniqlash qoldi, xolos. Nima bo’lganda ham kayfiyatni tushirmaslik kerak. Chunki, bunday bellashuvda ishtirok etishninmg o’zi bir baxt.. G’olib bo;lish esa nur ustiga a’lo nur. Hozir natijalarni aniqlash uchun so’zni hakamlarga bersak. Ular bizga bugungi g’olib guruhni aniqlab beradilar. Marhamat.
Har bir so’zning bordir oxiri
Har bir amal topadi yakun
Bilimdonlar bildik axiyri
Har bir guruh bo’ldilar mamnun.
Hech cho’ktirmang qalblarni zinhor
Qalbingizda gullasin bahor
Bunday kunlar barchaga nasib
Aylasin, quvnaylik, takror va takror.
Shu bilan bugungi qiziqarli bellashuvimiz o’z nihoyasiga yetdi. Yana shunday kechalarda uchrashguncha xayr, omon bo’ling do’stlar.