Robototexnika-nizom-11-12-mart

«ТошДТУ ректорининг
2020 йил « » январдаги
- сонли буйруғига


1-Илова


Ислом Каримов номидаги Тошкент давлат техника университети томонидан иқтидорли ўқувчилар талаба ва ёш педагоглар ҳамда корхоналарнинг ёш мутахассислари учун «ROBOT-UZ 2020» робототехника республика танловини ўтказиш тўғрисидаги
НИЗОМ

• 
  УМУМИЙ ҚОИДАЛАР
  

1.1.Ушбу қоидалар Ўзбекистон Республикасининг ўқувчи ва талабалар, ёш педагог ва тадқиқотчилар ҳамда корхоналарнинг ёш мутахассислари учун «ROBOT-UZ 2020» робототехника соҳасидаги республика танловининг (кейинчалик – Танлов) ўтказилиш тартиби ва шартларини белгилайди.



2.ТАНЛОВНИНГ МАҚСАД ВА ВАЗИФАЛАРИ

2.1.МАҚСАДЛАР:
2.1.1.Ўқувчи ва талабалар, ёш педагог ва тадқиқотчилар ҳамда корхоналарнинг ёш мутахассислари орасида илмий-техник ижодкорликни оммалаштириш ва муҳандислик касбларининг обрў-эътиборини юксалтириш;
2.1.2.Долзарб муҳандислик масалалари ва техника билан ишлаш бўйича амалий кўникмаларни ривожлантириш;
2.1.3.Инновация ва юксак технологиялар соҳаларига талаба ёшларнинг қизиқишларини рағбатлантириш.
2.2.ВАЗИФАЛАР:
2.2.1.Ёшларнинг умумий маданиятини, техник ва ижодий фикрлаш креативлигини ривожлантириш;
2.2.2.Робототехника соҳасида инновацион, илмий техник ижодкорликка жалб этиш;
2.2.3.Инновацион технологиялар, механика ва дастурлаш соҳаларида ёшларнинг янги билим, кўникма ва компетенциясини шакиллантириш;
2.2.4.Робототехника соҳасидаги иштирокчиларнинг ютуқларини намойиш этиш ва ташриф буюрувчилар учун қулай кўргазма майдонини ташкил қилиш;
2.2.5.Танловнинг барча иштирокчиларининг дўстона муносабатлари ва касбий алоқаларини ривожлантириш.