7-mavzu. TA'LIM MUASSASALARINING MODDIY-TEXNIK VA O‘QUV-METODIK VOSITALARI BILAN
TA'MINLANISHI.
Ta'lim muassasalari moddiy-texnik bazasini yanada boyitish ta'lim samaradorligini uzluksiz ta'minlash maqsadida maxsus ta'lim muassasalariga byudjetdan tashqari mablag‘lar topish imkoniyatlari berilgan.
Byudjet tashkilotlarining byudjetdan tashqari jamg‘armalari-qonun hujjatlarida nazarda tutilgan manbalar hisobidan byudjet tashkiloti tasarrufiga kelib tushadigan mablag‘lar.
O‘zbekiston Respublikasi Prezidentining 2007 yil 29 martdagi “Ta'lim muassasalarining na'munaviy shtatlarini tartibga solish chora-tadbirlari to‘g‘risida”gi PQ-609-sonli Qaroriga asosan barcha ta'lim muassasalari (maktab-internatlari)ga belgilangan tartibda yuridik shaxs maqomi berildi. Ushbu qaror bilan ta'lim muassasalari ning moliyaviy mustaqilligi ta'minlanib, byudjet va byudjetdan tashqari mablag‘larni tasarruf etishda direktorlarga bir qator vazifalar yuklatildi. O‘z navbatida xalq ta'lim vazirligining 2007 yil 19 aprelda “Ta'lim muassasalari na'munaviy ustavi va direktorning lavozim majburiyatlari to‘g‘risida”gi 7-sx sonli buyrug‘iga asosan tasdiqlangan ta'lim muassasalari ning ustavida ta'lim muassasalari qonunchilikda ko‘rsatilgan tartibda pullik xizmatlar ko‘rsatishi belgilab qo‘yilgan.
Do'stlaringiz bilan baham: |
