Banklarning kelib chiqish va bank tizimi

BANKLARNING KELIB CHIQISH VA BANK TIZIMI
Mavzuning maqsadi: banklarning kelib chiqish tarixi va uning mohiyati, banklarning funksiyalari, bank tizimi va uning rivojlanish bosqichlari, banklarning turlari, bank faoliyatining iqtisodiy, normativ-huquqiy va tashkiliy asoslari, zamonaviy bank tizimining xususiyatlari, moliya-kredit institutlari, O‘zbekiston Respublikasining bank tizimi va uning shakllanish bosqichlari, xorijiy davlatlar bank tizimi, jahon moliyaviy-iqtisodiy inqirozining bank tizimiga ta’siri to‘g‘risida tasavvur, bilim, ko‘nikma va malaka shakllantirish
1-topshiriq. Quyidagi ta’riflarning har biriga tegishli atamani yoki tushunchani toping:

№	Ta’riflarning mazmuni	Javoblar varianti
1	Asosiy faoliyati passiv operatsiyalari natijasida shakllantirgan moliyaviy mablag‘larini asosiy ulushini qimmatli qog‘ozlarga investitsiya qilishdan iborat bo‘ladi
2	Jamiyatdagi vaqtinchalik bo‘sh pul mablag‘larini tegishli shartlar bilan jalb etib, ushbu mablag‘larga ehtiyoji mavjud bo‘lgan yuridik va jismoniy shaxslarga qaytarishlik, muddatlilik, to‘lovlilik va ta’minlanganlik asosida beradigan tijorat tashkiloti
3	Mamlakat bank tizimining ikkinchi bo‘g‘inidagi moliyaviy muassasa hisoblanadi
4	Iqtisodiy jihatdan mustaqil bo‘lgan, yuridik maqomga ega tashkilot, o‘z daromadlari hisobidan xarajatlarni amalga oshiradi. Agar uning xarajatlari daromadlarga nisbatan ko‘p bo‘lsa, ushbu farq (zarar) davlat byudjeti hisobidan qoplab beriladi.
5	Jismoniy va yuridik shaxslarga garov asosida uzoq muddatli kreditlar berish bilan shug‘ullanadigan bank
6	Iqtisodiyotning ma’lum tarmog‘iga xizmat ko‘rsatish va shu tarmoqni rivojlantirish maqsadida tashkil etiladi.
7	Bu ma’lum tarixiy davr ichida shakllangan va tegishli qonun hujjatlari asosida mamlakatda pul – kredit munosabat – larini tashkil etadigan va tartibga soladigan muassasalar majmuidir
8	Asosiy mijozlari jismoniy shaxslar bo‘lib, ushbu banklarning asosiy faoliyati aholidan muddatli omonatlarni jalb qilishga qaratilgan

Javoblar varianti:

A	Bank tizimi	E	Jamg‘arma bank
B	Markaziy bank	F	Ipoteka bank
C	Ixtisoslashgan bank	G	Tijorat bank
D	Bank	H	Investitsion banklar