Bolaga go‘sht har kuni kerakmi?

Tadqiqotlar bolani soatga qarab ovqatlantirish shart emasligini ko‘rsatdi. Bola o‘zi xohlaganida ovqatlanishiga qo‘yib berish yetarli, ammo, albatta, kuniga 3 marta ovqatlanishini nazorat qilib turish kerak. Shuningdek, olimlar test o‘tkazdilar va 9 oylikdan 1,5 yoshgacha bo‘lgan bolalarga nimani xohlasa va qachon xohlasa yeyishi uchun sharoit yaratib berdi. Natijada ularning ratsionidagi ozuqaviy moddalar to‘plami shifokor tavsiyalariga mos bo‘ldi.

Bolaga go‘sht har kuni kerakmi?

Har kuni go‘sht tanovul qilish kattalarga ham zararli, bolalar haqida-ku gapirmasa ham bo‘ladi. Gap shundaki, go‘sht qiyin va sekin hazm bo‘ladi, u ovqat hazm qilish tizimiga og‘irlik qilishi mumkin. Go‘shtli taomlarni kunning birinchi yarmida bergan ma’qul, chunki ular uzoqroq hazm bo‘ladi.

Uch yoshgacha sutkalik norma — 85 gramm. Go‘sht o‘rniga haftada bir necha marta baliq berish kerak, uning sutkalik normasi esa 25 grammni tashkil etadi.

Bola chalg‘imasdan va tez ovqatlanishi kerakmi?

Ovqatlanish chog‘ida shoshilish doim zararli, to‘xtab-to‘xtab chaynash kerak. Bolani shoshirmaslik kerak — shoshilish faqat yaxshi chaynalmagan bo‘laklarni yutishga, oshqozon va asab buzilishiga olib keladi.

Bolaga asosiy taomdan keyin shirinliklar berish mumkinmi?

Desert va konfetlardan rag‘batlantirish uchun foydalanmagan ma’qul. Katta bo‘lgach, stressga tushganda va noxushlik yuz berganda, shirinlik bilan ovunadigan bo‘lib qoladi, bu esa ko‘pincha semirishga olib keladi.