Буюк британия дунёда биринчи бор covid-19'га қарши дорини тасдиқлади

БУЮК БРИТАНИЯ ДУНЁДА БИРИНЧИ БОР COVID-19'ГА ҚАРШИ ДОРИНИ ТАСДИҚЛАДИ
Буюк Британия дунёда биринчи бор Меrsk компаниясининг COVID-19 вирусига қарши таблеткаларини тасдиқлади.
Молнупиравир номли бу дорини коронавирусга чалинган беморлар уй шароитида қабул қилишлари мумкин бўлади. Бу ҳақда BBCга маълум қилди. 
"Бугун мамлакатимиз учун тарихий кун, чунки Буюк Британия дунёда биринчи бўлиб уйда қабул қилиниши мумкин бўлган COVID-19 вирусига қарши дорини тасдиқлади", - деди Буюк Британия соғлиқни сақлаш вазири Сажид Жавид. 
Унинг сўзларига кўра, таблеткалар яқинда касаллик аниқланган беморларга кунига икки марта берилади. Илгари маълум қилинганидек, клиник синовларнинг учинчи босқичида Молнупиравирни қабул қилган беморларнинг атиги 7,3 фоизи касалхонага ётқизилган. Қурбонлар эса йўқ. 
Бундан ташқари, ушбу восита коронавирус пандемиясига қарши курашда муҳим ёрдамчига айланиши мумкинлиги айтилган.
https://www.bbc.com/news/health-59163899
Дилбар Абдунабиева

РОССИЯДА СОХТА ЭМЛАШ СЕРТИФИКАТЛАРИГА ЭГА БЎЛГАНЛАРНИ АНИҚЛАЙДИГАН ТЕСТ ЯРАТИЛДИ
Гамалея илмий маркази инсонларнинг “Спутник V” вакцинаси билан эмланган ёки эмланмаганлигини аниқлайдиган тест ишлаб чиқди. Ушбу тест вакцинада фойдаланилган Аd26 аденовирус мембранасидаги антитаналарни аниқлайди. Бу ҳақда марказ директори Александр Гинцбург маълум қилди, деб ёзади “Ведомости”.
Александр ГИНЦБУРГ,
Гамалея илмий маркази директори:
– Вакцинамиз билан муваффақиятли эмланишнинг асосий белгиси вектор қобиғига — адено 26 га антителоларидир. “Спутник V”нинг биринчи компоненти адено 26 га асосланган. Одамлар организмида бу жуда ҳам кам миқдорда учрайди. Шунинг учун адено 26 га антитаналарнинг мавжудлиги одамларнинг эмланганлигини тасдиқлайди. Аммо агар бирор киши реанимацияга бориб, эмланганлигини айтсаю, лекин 26 адено мембранага антитаналари бўлмаса, унда ушбу беморнинг сертефикати сохта бўлиши эҳтимоли катта саналади.
Унинг қайд этишича, Гамалея марказида тахминан бир ой давомида жонлантириш бўлимларида даволанаётган беморларнинг қон таҳлилини текширилган. Ушбу жараёнда 50-60 бемордан қон таҳлиллари олинган. Реанимацияда даволанаётган беморлар эмланмаганликларини тан олишган ва уларинг тахминан 80 фоизида Аd26 га антитаналар йўқлигини аниқланган.
https://t.me/vaksinauzb/1018
Иззатбек Абдуваҳобов

“БИЗ ТИНЧЛИК КЕЛИШУВИГА ТАЙЁРМИЗ!”
ОЗАРБАЙЖОН ПРЕЗИДЕНТИ ҚОРАБОҒ ҲАҚИДА ФИКР БИЛДИРДИ

Озарбайжон президенти Илҳом АлиевVIII Глобал Баку форумида сўзга чиқиб, тоғли Қорабоғ бўйича расмий Баку позициясини маълум қилган ва мамлакат тинчлик келишувини бошлашга, тинчлик шартномасини тузишга тайёр эканлигини билдирган, дея хабар қилади "Азертаг".
"Биз бугун можародан кейинги даврни бошдан кечиряпмиз. Биз Арманистонга уруш учун эмас, тинчлик учун, келажак учун ният қилинган келишув остида ишлашни бошлаш бўйича қатор таклифлар билан чиқяпмиз. Афсуслар бўлсинки, бу таклифларимиз ҳали ҳамон жавобсиз қолмоқда", деган у.
Унинг қўшимча қилишича, ҳозир Озарбайжон томонидан аниқ бўлиб турган бир пайтда ҳаммаси Арманистон позициясига боғлиқ бўлиб турибди.
"Яна бир бор такрорлайман, биз тинчлик келишувига тайёрмиз. Ҳаммасини ўзгартириб, чегаларни аниқлаш ниятидамиз. Кўриб турганингиздек, Арманистон томони йил давомида сукут сақламоқда. Менимча, улар Озарбайжоннинг конструктив позициясига қарши тура олмайдилар", деган Илҳом Алиев.
https://azertag.az/ru/xeber/Prezident_Azerbaidzhana_My_gotovy_pristupit_k_mirnym_peregovoram_podpisat_mirnoe_soglashenie-1917134
Сардорбек Раҳмонқулов

ИРОҚ БОШ ВАЗИРИГА ДРОН БИЛАН СУИҚАСД УЮШТИРИЛДИ

7 ноябрь, якшанбага ўтар кечаси портловчи моддалар билан тўлдирилган дрон билан Ироқ Бош вазири Мустафо ал-Қадимийнинг қароргоҳига ҳужум қилинди. Бундан вазирнинг ўзи жабрланмаган, аммо унинг қўриқчилари яраланган. Бу ҳақда BBC хабар бермоқда. 
Ироқ ҳарбийларининг сўзларига кўра, суиқасд унинг Бағдоддаги қароргоҳида рўй берган.
Ал-Қадимий ўзининг расмий Тwиттер саҳифасида тирик ва соғлом эканини оммага маълум қилди.
"Аллоҳга ҳамдлар бўлсин, мен яхшиман ва Ироқ учун барчани хотиржамлик ҳамда вазминликка чақираман", — дейилади унинг постида
Ироқнинг Шафақ агентлиги хабарига, суиқасд натижасида бош вазирнинг уч нафар қўриқчиси яраланган.
https://www.bbc.com/russian/news-59187929
Дилбар

РОССИЯДА ФУТБОЛ ЎЙИНИ ОТИШМА БИЛАН ЯКУНЛАНДИ

Россиянинг Красноярск шаҳрида футбол турнири ўтказилаётган вақт ўйинни кузатиб ўтирган мухлис17 ёшли футболчини отиб ташлади, деб хабар бермоқда РИА Новости.
Маълумотга кўра, воқеа мактаб жамоалари ўртасида бўлиб ўтаётган турнир вақтида, "Изумруд" спорт саройида содир бўлган. Таъкидланишича, ўйин давомида футболчилардан бирининг отаси рақиб жамоага бақириб, қўпол сўзларни сўзлай бошлаган. Шундан сўнг, у ўзини бошқара олмай тўппончадан ўқ узади. Ўйинчилардан бирининг сўзарига кўра, ўқ жамоадошларининг елкасига қарата травматик тўппонча орқали узилган. 
Шунингдек, спорт мажмуаси ходимларидан бири ҳолатга қуйидагича изоҳ билдирган.
"Бу ўйин вақтидаги ҳис-туйғуларни бошқара олмаслик деб биламан. Бизда бундай ҳолат биринчи марта содир бўлмоқда, илгари ҳеч қачон бу вазиятга учрамаганмиз. Лекин улар тўппонча ичида ўқотар қурол эмас, резина ўқлар бўлган, дейишади. Биз ўзимиз ҳам ҳали кўп нарсани билмаймиз", - дейди у.

Хабарга кўра, ўсмир жиддий жароҳат олмаган – у касалхонага ётқизилган ва тез орада уйига жўнатилган. 
https://rsport.ria.ru/20211107/strelba-1757933266.html
Дилбар