Chingiz Aytmatov «Asrga tatigulik kun» romani 115-guruh Abdurasulova Nigora
Download 0.81 Mb. Pdf ko'rish
|
2 5244720754263590928
- Bu sahifa navigatsiya:
- 1.Muallifning qisqacha biografiyasi
- . „Bay-damtol sohillarida“ (1955), „Yuzma-yuz“ (1957)
- „Tog‘ va cho‘l qissalari“
- "Asrga tatigulik kun" (1980), „Qiyomat“ (1986), „Kassandra tamg‘asi“ (1990)
- „Cho‘qqida qolgan ovchining ohi zori“ (M. Shoxonov bilan hamkorlikda)
- 3.Asarning tematik tasnifi
- 6.Asar sarlavhasi: «Asrga tatigulik kun»
- Asil Rashidov va Ibrohim G’afurov
- 7.Asarning lingvistik tahlili: -Frazeologizmlar
- Kasb-hunarga oid so’zlar
- Asardagi milliy kolorit
- 10.Badiiy asardagi konflikt turi
- 13.Asardagi folklyor namunalari
- 14.Asardagi falsafiy mushohadalar
- 15.Asardan olgan taassurotlarim
- E’toboringiz uchun rahmat!
Chingiz Aytmatov «Asrga tatigulik kun» romani 115-guruh Abdurasulova Nigora Chingiz To’raqulovich Aytmatov (12.12.1928-10.06.2008) 1.Muallifning qisqacha biografiyasi Chingiz Toʻraqulovich Aytmatov (12-dekabr, 1928 – 10-iyun, 2008) – Qirg‘iziston xalq yozuvchisi (1968). Qirg‘iziston Fanlar Akademiyasi akademik (1974). Qirg‘iziston qishloq xoʻjaligi institutini tamomlagan (1953). 1956 – 58 yillari Moskvadagi yozuvchilar uyushmasi Oliy adabiyot kursi tinglovchisi. Asarlarini qirg‘iz va rus tilida yozadi. Ilk hikoyalari 1950 yillarda bosilgan. „Bay-damtol sohillarida“ (1955), „Yuzma-yuz“ (1957) asarlari o‘tkir syujet, kuchli ichki ruhiy ziddiyatlarga boy. „Jamila“ (1958), „Sarvqomat dilbarim“ (1961), „Bo‘tako‘z“, „Birinchi muallim“ (1962), „Momo yer“, „Somon yo‘li“ (1963), „Alvido, ey Gulsari“ (1966) kabi qissalarida muhabbat mavzusi katta ehtiros bilan tarannum etilgan. Adibning „Tog‘ va cho‘l qissalari“ turkumiga kirgan asarlari yuksak baholandi. Adibning „Oqkema“ (1970) qissasida insoniy go‘zallik, ezgulik va hayot ziddiyatlari, ekologiya muammolari teran tadqiq etiladi. „Oq kema“ kinofilmi ham asar kabi shuhrat qozondi. „Dengiz yoqalab chopayotgan olapar“ (1977) qissasida muhim maʼnaviy masalalar, sho‘ro davridagi hayotning mashʼum manzaralari o‘z ifodasini topgan.
"Asrga tatigulik kun" (1980), „Qiyomat“ (1986), „Kassandra tamg‘asi“ (1990) romanlarida zamonamizning umuminsoniy tomonlari, ona Sayyoramizning taqdiri, kuchli falsafiy, axloqiy va ijtimoiy muammolar ko‘tarilgan. O‘tmishini unutgan, hissiz, hamma narsaga loqayd, itoat-u, buyruqni bajarishdan boshqa narsani bilmaydigan, tuyg‘u, nozik hissiyotlari so‘ngan manqurt obrazi tasviri, adib ijodining muhim qirralaridan biri bo‘ldi. Adibning „Cho‘qqida qolgan ovchining ohi zori“ (M. Shoxonov bilan hamkorlikda) asari maʼnaviyatga bag‘ishlangan. Adibning prozasida ruhiyat tahlili anʼanaviy folklor, mifologiya, obrazlilik bilan uyg‘unlashib ketadi .
Adibning «Asrga tatigulik kun» romani ma'naviy-ruhiy poklanish pallasida insonga o’z –o’zini anglash darsidan saboq berishi, shubxasiz. Roman qahramonlari sizu biz, voqealar esa o’tmishimiz va bugunimizdir. Bu kitob jismu fig’onimdir mening, Bu kalom jonu jahonimdir mening. Grigor Narekatsi «Musibatnoma» X asr 2.Asarning nomi: «Asrga tatigulik kun» Asarning janri: roman Muallifning ijodiy metodi: fantastika va realizm 3.Asarning tematik tasnifi: adabiy-badiiy asar 4.Asarning mavzusi: Ushbu asarda siyosatdan tamomila chetda turuvchi, siyosiy muammolar hal qilinadigan joylardan minglab chaqirim yiroqda umr kechiruvchi mehnatkash, kamtargina odam ham siyosat ta’siridan holi bo’lolmasligi Edigey Bo’ron misolida ishonarli tasvirlangan. Edigey kechagi kunini unutmagan, bobolar amal qilgan yuksak udumlar asosida yashashga o’zida kuch topa oladigan sabrli taqdiridan rozi chin insondir. Uning ezgu insoniy sifatlari qiyinchiliklarga qaramay marhum Kazangapning vasiyatini bajarishga kuch topganida, qanchalik g’azablanmasin, o’lik bor joyda janjallashmaslikka qudrati yetganida, bu Sobitjonning gap-so’zlariga bo’lgan munosabatida yaqqol ko’rinadi. Asardagi voqealar Sario’zak cho’lida, Bo’ronli temir yo’l bekatida bo’lib o’tadi. Gap butun ongli hayotini bekatda oddiy temiryo’lchi bo’lib o’tkazgan Kazangapning vafotidan so’ng dafn etish taraddudlari tasviri bilan boshlanib, romanning nihoyasida dafn musibat ustiga musibat bilan tugaydi. Shu orada Kazangap bilan Edigey Bo’ronning hayoti, ularga chambarchas bog’liq yoki bog’liq bo’lmagan holda Tinch okeani tepasida Sovet-Amerika “Paritet” kosmik kemasining parvozi bilan bog’liq hodisalar, Ona Bayit qabristoni, Nayman ona va uning baxtsiz farzandi Jo’lomon, maktab muallimi Abutolib Quttiboyev, uning sadoqatli rafiqasi Zarifa va farzandlarining boshiga tushgan falokatlar hikoya qilinadi.
5.Asarning g’oyasi: Ch.Aytmatov inson zoti sharifini, nainki inson, umuman tirik mavjudotni juda xilma-xil sharoitlarda, turli vaziyatlarda, ziddiyatli, tang holatlarda, masud damlarda, fojia ichida olib qaraydi. Insonning tavallud topishi, unib-o’sishi , kamoloti, parvozi, inqirozi, yuztuban ketish onlarida, chuqur ruhiy iztiroblar ichida korar ekan, shunisi tahsinga sazovorki, har qanday sharoitda-hatto yorug’ dunyodan abadiy ko’z yumganida ham –inson ulug’ va mukarram bo’lib qolishga arziydigan zot, deb talqin qiladi. Sobitjon otasi Kazangapni tirigida- shod, o’lganida ham obod qilmaganidan qattiq ranjigan Edigey o’yga toladi: “Odamlarga nima bo’lgan o’zi!?- deya g’azablandi. –Ularga o’limdan boshqa hamma narsa muhim!-Bu fikr Edigeyning ich-etini tirnardi.-Modomiki ularga o’lim ahamyatsiz ekan, demak ular hayotning ham qadr- qimmatiga yetmaydi. Unday bo’lsa, yashashdan maqsad nima?, ular nima uchun yashaydilar?
Yozuvchi bu asarda insonlarni mehnatkash yoki tanballarga ajratmaydi. U odamlarning qanday din, qanday mazhab, qanday siyosiy-partiya vakili bo`lganidan qat`iy nazar, shavqatli va shavqatsiz, vijdonli, insofli va insofsiz, dono va nodon qahramonlar orqali asar g’oyasini qahramonga yetkazib beradi va kitobxonda qadryatlarga, inson zotiga hurmat bilan qarash, har qanday vaziyatda taqdiridan nolimaslik va sabr-bardoshli bo’lish kabi insoniy qiyofani shakllantiradi. Bir so’z bilan ifodalaganda roman odamning odamligini ta`minlab turadigan asosiy qadryatlar haqida dard bilan bitilgan o`lmas asardir.
6.Asar sarlavhasi: «Asrga tatigulik kun» dastlab o’zbek tiliga «Asrni qaritgan kun.Bo’ronli bekat» nomi bilan «Yoshlik» jurnalining 1986-yil 1-4, «Kunda» nomi ostida “Sharq yulduzi”jurnalining 1987-yil 8-10- sonlarida Asil Rashidov va Ibrohim G’afurov tarjimalarida bosib chiqilgan edi. So‘ng, «Asrga teng kun», «Asrga tatigulik kun» keyinchalik «Asrni qaritgan kun» sarlavhasi ostida chiqa boshladi. Asarning o’zbek tilidagi tarjimasi asosida o’zbek kitobxoni bevosita o’ziga qardosh bo’lgan xalqning buyuk farzandining buyuk asari bilan tanishish, uning ko’nglidagi og’riqlarni bilish imkoniga ega bo’ldi. Asarning asl nusxasiga nazar tashlaydigan bo’lsak o’quvchi bundan tarjimadan topganchilik ma’naviy ozuqa topolmasligi mumkin. Ammo asar tarjimasi o’zbek kitobxonini bir muncha vijdon azobida qiynashi, o’ylantirishi turgan gap. Xulosa qilib aytilganda, asarning asl nusxasini tan deb oladigan bo’lsak uning tarjimasi unga chinakam ruh bag’ishlagan. Asar yuksak did, e`tibor va chinakam mahorat bilan yozilgan bo’lib, yaqin o’tmish XX asrdagi insonlar hayoti misolida.
7.Asarning lingvistik tahlili: -Frazeologizmlar: dilini
xufton qilmoq, fazo sarı yo’l, og’ir hayot tajribasi, ohori to’kilmagan, joni halak, toshday qotib qolgan, ko’z qorachig’day asramoq, qosh qorayganda, sukunat cho’kdi , havosiz nafas olish , kulini ko’kka sovurmoq Kasb-hunarga oid so’zlar: temiryo’lchi, neft quyuvchi, yo‘l ochuvchi, paritet-fazogirlari, bekat boshlig’i
Sario’zak cho’li, Bo’ronli bekati, Onabayt qabristoni, Mirzacho’l, Orolbo’yi, Qumbel bekati, Aleut orollari, Sarbozor Asardagi milliy kolorit: janoza, vasiyat, Qur’on tilovati, qoraqalpoq daftari, qoraqalpoqcha qo’shiqlar, Do’nanboy nomli qush haqida afsona
9.Asardagi tugun: Asar ziddiyatlarga to’la. Unda qalban mehnatkash insonlar bir- birlari bilan yoru birodar bo'ladilar, bir-birlarining tillariga tushunadilar. Mabodo tushunmagan holatlarida xotirjam qololmaydilar, o’yga toladilar. Bu asarda o’yga toldiradgan muammolar shu qadar ko’pki inson o’y-tafakkuri zamindan o‘sib koinotga ulangan. Eng fojiyaviy ziddiyat esa yuqorida keltirilgandek qalban mehnatkash insonning farzandini zamonasining «manqurt»ıga aylanishi. Odam bolasi bir-biri bilan murosa-yu madora qilib yashashi mümkin, biroq insoniy hislatlar unga hamroh ekan hech qachon bir xilda fikrlay olmaydi.
10.Badiiy asardagi konflikt turi: Inson-jamiyat, inson-inson 11.Asar kulminatsiyasi: Kazangapni Bo`ronli bekatidan o`ttiz chaqirimcha narida joylashhgan Ona Bayit qabristonida dafn etishiga undagan real sababiyatlar va marosim bilan mazkur qabristonga asos solgan Nayman ona bilan qirg`iz elining raqiblari junjanglar tomonidan manqurtga aylantirilgan farzandi o`rtasida fojiona tugagan qonli voqea ya`ni onaning o`z o`g`li qo`lida shavqatsizlarcha o`ldirilishi haqidagi rivoyat bugungi qozoq hayotida kechayotgan boshqa bir real voqea bilan chambarchas bog`lanadi: kosmadrom hududida joylashgan Ona Bayit qabristonidan Kazangapga go’r qazish uchun 2 metr joy topilmaydi. Boshqacha aytganda, dunyoning bir nechta davlatini o’z bag’riga sig’dira olgan hayhotdek Qozog’iston cho’lida , shu yerlik qozoqlarning azaliy qabristonida o’z umrini Vatan va xalq xizmati, baxt- saodati yo’liga tikkan halol mehnatkash kishining jasadiga “o`n bir qarich “ joy berilmaydi. 12.Asardagi yechim: Insonni qanday holatda hamqat’iy o’zligini yo’qotmasligiga, ota-onasini qadrlashga, azaliy qadryatlarga hurmat bilan qarashga va sabr- bardoshli bo'lishga chorlaydi.
13.Asardagi folklyor namunalari: Tulubin kelib iskagan, Bo‘tasi o’lgan bo’z moyaman… ***************** «Kuch otasini ham tanimaydi» ***************** Otdan otning farqi nimadir? Arillagan turishi bor, bilib qo’y. Botirdan botirning farqi nimadir? Farosati, aqli ortiq, bilib qo’y… 14.Asardagi falsafiy mushohadalar: Xotira- bu qachonlardir o’tmishda bo’lib o’tgan voqealar, hozir esa ular mavjud elmas. Demak, inson haqiqatda nimaki sodir bo’lgan bo’lsa o'shani eslaydi. **************** Temir yo’lning ikkala tomonida yovshanzor bilan qoplangan hayhotdek dashtlik- Sario’zak, o’rtacho’l yastanib yotadi…
15.Asardan olgan taassurotlarim: “ Asrga tatigulik kun” serqatlam, tadqiqotchilar qayd etganidek, intellektual-parabolik romandir. Asarning bunday baholanishiga sabab unda turli uslubiy-struktur qatlamlar mavjudligi, real hayot tasviri mif-afsonalar bilan qorishib ketib, fantastikani qayerdan boshlanib qayerdan real hayotga ulanganini o’quvchi sezmay qolishida deb o’ylayman. Asardagi voqealar mazmuni, qahramonlar xarakterlari bilan kitobxon qalbidan o’rin egallaydi va uning ma’naviy olamida o’zgarish, yangilanish, yuksalishni sodir etadi. Shu tufayli ham bu roman o’z muallifining ham sharaflanib, shuhrat qozonishiga sabab bo’lgan. Garchi roman voqealari atigi yetti oiladan iborat kichik temir yo‘l bekatida bir kunda bo‘lib o‘tsa-da, unda yetti iqlimni qamrab olgan muammo , ming yillarga tatigulik xalq dardi, tashvishi ifodalanadi. Asar voqealari Qozog’istonning Sario‘zak degan cho‘lidagi “Bo‘ronli” bekatida bo‘lib o‘tadi. Sario‘zak cho‘lining tarixi bir necha asrlarga borib taqaladi. “Sario‘zak cho‘li – tarixning unitilgan kitobi”dir. Shunday cho’lda, og’ir sharoitda yashab, mehnat qilgan, har bir kuniga shukur qilgan, o’zligini unutmagan insonlar barchamizga haqiqiy inson qanday bo'lishi kerakligini isbotlab bergan. Iymonli, insofli, mehnatkash, aqlli, haqso’z. Edigey Kazangap Bo'ron E’toboringiz uchun rahmat! Download 0.81 Mb. Do'stlaringiz bilan baham: |
ma'muriyatiga murojaat qiling