2. “Rejelestiriw” metodi

2. “Rejelestiriw” metodi.

Jobalastiriw metodi-bul oqiwshilardin’ individual ya’ki toparlarda belgilengen waqit dawaminda, belgilengen tema boyinsha mag’liwmat jiynaw, izertlew alip bariw ha’m a’melge asiriw islerin alip bariw bolip esaplanadi. Bul metodta oqiwshilar rejelestiriw, qarar qabil etiw, a’melge asiriw, tekseriw ha’m juwmaq shig’ariw, na’tiyjelerdi bahalaw processlerinde qatnasadi. Jobalastiriw metodi jeke ta’rtipte ya’ki toparliq boliwi mu’mkin. Biraq, ha’r bir reje oqiw toparinin’ birgeliktegi iskerligin muwapiqlastirilg’an na’tiyjesi esaplanadi. Bul processte oqiwshinin’ waziypasi jan’a mag’liwmatti tabiw ya’ki basqa bir tapsirmanin’ sheshimin tabiwdan ibarat. Oqiwshilar ko’z-qarasinan tapsirma quramali boliwiha’m oqiwshilardan bar bilimlerin basqa jag’daylarda qollay aliwin talap etetug’in tapsirma boliwi kerek. Oqitiwshi rejelestiriw metodin qollaw ushin tapsirmalardi islep shig’iw, reje isin sabaq islenbesine kirgiziw, tapsirma oqiwshilardin’ imkaniyatlarina maslasiwi, olardi reje isi menen tanistiriw, rejelestiriw procesin baqlap turiwi ha’m tapsirmani o’z-betinshe orinlay aliwin ta’miyinlew za’ru’r. Rejelestiriw metodina teoriyaliq bilimlerdi beriwde ha’m de oqiw a’meliyati sabaqlarin o’tkiziwde paydalaniw mu’mkin.

“Rejelestiriw metodinin’ abzalliq ta’repleri”:

• 
  Oqiwshilardin’ erkin pikirlew qa’biletin asiriwg’a ja’rdem beredi, o’z-betinshe u’yriniwdin’ en’ aktiv joli;
  
• 
  Oqiwshilarda birgelikte islew ko’nllikpesin payda etedi;
  

“Rejelestiriw metodinin’ kemshilikleri”.

• 
  Ko’p waqit talap qiladi;
  
• 
  Tan’lang’an tema oqiwshinin’ bilim da’rejesine say keliwi talap etiledi.
  

3. “Mashqalali jag’day” metodi.

Mashqalali jag’day- oqiwshilarg’a mashqalali jag’daydi analiz qiliw ha’m olardin’ sheshimin tabiwg’a ytiykarlang’an metod. “Mashqalali jag’day” metodi ushin tan’lang’an tapsirma quramalilig’I oqiwshilardin’ bilim da’rejesine say boliwi kerek. Olar qoyilg’an mashqalanin’ sheshimin taba aliwi kerek, kerisinshe sheshimin taba almasa oqiwshilardin’ qizig’iwshilig’I so’niwine, o’zlerine bolg’an iseniminin’ jog’aliwina alip keledi.

“Mashqalali jag’day” metodinin’ abzalliqlari:

• 
  Oqiwshilarda erkin pikirlew qa’biletin payda etiw;
  
• 
  Oqiwshilar sebebin, parqin ha’m ta’sirlerin tabiwdi u’yrenedi;
  
• 
  Oqiwshilar bilim ha’m ta’jriybelerin bahalaw ushin jaqsi imkaniyat jaratiladi;
  
• 
  Oqiwshilar piker ha’m na’tiyjelerdi analiz qiliwg’a u’yrenedi.
  

“Mashqalali jag’day” metodinin’ kemshilikleri:

• 
  Oqiwshilardan joqari motivaciya talap etiledi;
  
• 
  Qoyilg’an jag’day oqiwshilardin’ bilim da’rejesine say keliwi;
  
• 
  Ko’p waqit talap etiledi.