General Motors Powertrain Uzbekistan

AQSHlik investorlar tomonidan Toshkent shahrida bunyod etilgan “General Motors Powertrain Uzbekistan” yopiq aksiyadorlik jamiyati oʻzining yuridik boshqarmasiga ikki vakant oʻrin uchun tanlov eʼlon qildi. Ikkita oʻringa oʻn uch nafar mutaxassis – daʼvogar oʻz rezyumesini yuborgan. 2022-yilning 15-apreliga belgilangan suhbatga chaqirilganlar ichida siz ham borsiz. Siz bilan suhbat soat 11.30da boshlanishi xabar qilingan. Yaxshi bilasizki, agarda siz birinchi uchrashuvning oʻzida suhbatdoshlar bilan toʻgʻri muloqot qilish hamda ishonchli aloqa oʻrnatishni bilsangiz, boyagi ikki oʻrinning biriga ega boʻlasiz. Aks holda…
(1) Birinchi uchrashuvning oʻzidayoq toʻgʻri muloqot qilish va koʻzlangan maqsadga erishishingiz uchun ayni ishxonadagi suhbatda Sizdan nimalar talab etiladi? (20)
(2) Vakant joyni qoʻldan chiqarishingizga sabab boʻladigan qanday qusurlardan ehtiyot boʻlishim kerak, deb oʻylaysiz? (20)
(3) Umuman, rahbariyatda, hamkorlar va mijozlarda yaxshi taassurot paydo qilishning mashgʻulotlar paytida aytilmagan yana qanday usullarini, yoʻllarini taklif etgan boʻlardingiz? (10)
(4) Mutaxassislardan, jumladan, huquqshunoslardan eng koʻp talab etiladigan sifat aynan kommunikativlik (oʻzbekchada “kirishimlilik” desak, toʻgʻri boʻlar!) ekanini nimalar bilan izohlagan boʻlardingiz? (10)


Жавоб:
1.
Ишга қабул қилишдан олдинги суҳбат
Ишга қабул қилишдан олдинги суҳбат — талабгорнинг тажрибасини, шунингдек унинг шахсий фазилатларини билиб олишга кўмаклашади, яъни у билан танишиш усулидир.
Иш қидириш бўйича катта тажрибага ега бўлсангиз ҳам, ҳар бир янги суҳбат учун олдиндан тайёргарлик кўришингиз кераклигини унутманг.
Кўпинча, мутахассиснинг профессионаллик даражаси қанчалик паст бўлса, у суҳбатга шунчалик ёмон тайёр бўлади. Шунинг учун, ҳар сафар суҳбатга таклифни олгач, қуйида кўрсатиб ўтадиган маслаҳатларимиздан фойдаланинг.


Суҳбатга қандай тайёргарлик кўриш керак
Суҳбатга тайёргарлик кўриш учун олдиндан «разведка» қилиш жуда муҳимдир. Сиз учрашадиган одамларингиз ҳақида имкон қадар кўпроқ маълумот тўплашингиз керак.
Фойдали маълумотни турли йўллар билан олиш мумкин. Агар катта корхона ҳақида гапирадиган бўлсак, унинг маҳсулотлари ёки хизматлари билан танишиб чиқинг. Кўпгина ташкилотлар ўзларининг лойиҳаларини ва реклама брошюраларини тарқатадилар. Ушбу ташкилот ҳақида газета ёки журналлардан мақолалар топишга ҳаракат қилинг.
Сиз ишга кирмоқчи бўлган ташкилотда ишлайдиган ёки ишлаган шахс билан суҳбатлашишингиз мумкин. Ундан жуда кўп фойдали нарсаларни билиб олиш имкониятига ега бўласиз, лекин сиз бундай ахборотни субъектив томонини ҳам ҳисобга олишингиз керак бўлади.