Karimov nodirbek

O’ZBEKISTON RESPUBLIKASI

XALQ TA’LIMI VAZIRLIGI

Namangan shahar xalq ta’limi

bo’limiga qarashli 14-umumta’lim
maktabi Boshlang’ich sinf o’qituvchisi
KARIMOV NODIRBEKning
O’qish fanidan bir soatlik

DARS ISHLANMASI

Namangan–2007

MAVZU: ASALARI BILAN PASHSHA

MAQSAD:
A)Ilmiy maqsad:

Asalari va pashshaning tabiatdagi o’rnini ajrata olishlariga erishish
B) nazariy maqsad:
Asalarining mehnatini inson hayotidagi rolini his etiish
DARS TURI:
Yangi bilim beruvchi
DARS USULI:
Suhbat, savol-javob

DARS JIHOZI: Asalari va pashsha rasmlari darslik

DARSNING BORISHI:
O’qituvchi sinfga kirib salomlashadi

Qalbi qordek beg’ubor

Ilmga chanqoqlarim
39-o’g’il qizim
Assalomu alaykum
Izoh o’quvchi soniga qarab raqam o’zgarishi mumkin
Darsimizga xush kelibsiz
Aziz ustoz muallim
Qo’limiz ko’ksimizda
Deymiz, assalomu-alaykum

O’qituvchi darsni tashkil etadi she’riy tarzda so’raydi

Bugun kimdir navbatchi.
Darsga hamma tayyormi?
Navbatchi javob beradi;
Bugun mendir navbatchi
Darsga hamma tayyordir
Gullarga suv quyilgan
Hona shinam ozoda
O’qituvchi: Hozir darsimiz nima
O’quvchi: Darsimiz o’qishdir ustoz
Kerak doim o’qimoq
Nimaki qilsak tilak
Bariga o’qish kerak
O’qituvchi savolda davom etadi
O’qish bizga ne kerak
O’qimasak bo’lmasmi?
1-o’quvchi:
Ilmlarning boshi o’qish
Kerak doim o’qimoq
2-o’quvchi:
Hikoyalar, ertak o’qib
Bahodirlar bo’lamiz
3-o’quvchi:
Yodlaymiz ko’plab she’rlar
Tinglaymiz rivoyatlar
O’qituvchi o’quvchilar fikrini o’tilgan mavzuga qaratadi.
Oylar o’tib izma-iz
Yetib keldi mart oyi
Aytingchi donolarim
Bayram bormi bu oyda

1-o’quvchi:

8-mart bu kun
Onajonlar bayrami
Yo’llariga poyandoz
Dasta gullar boylami.
2-o’quvchi:
Navro’z keldi yoz bo’ldi
Turna keldi g’oz keldi
Yam-yashil chorboqlardan
Bulbulday ovoz keldi
O’qituvchi:
Bahor chog’i o’lkamizda
Qanday bo’lar o’zgarish
1-o’quvchi:
Bahor chog’i o’lkamizda
Turfa gullar ochilar
Tol bargak taqib qizlar
Quvnoq qo’shiqlar kuylar.
2-o’quvchi:
Yer bo’ladi yashil maysa
Daraxtlar tugar maysa
Sumalak qaynar qozonda
Darak berib bahordan.
O’qituvchi:
Meni shirin donolarim
Aytingchi menga qani
Bahorda qaysi qushlar
O’lkamizga uchib kelar?
O’quvchi:
Bahordan berib darak
Uchib kelar qaldirg’och
Ayvonda ochar bola
Bahor qo’shig’in kuylab.
O’qituvchi bahor haqidagi hikmatli so’zlardan so’raydi. O’quvchilar bilan dam olish daqiqasi o’tkaziladi. Shunday o’yin tanlash kerakki,sinfda yengil psixologik holat vujudga kelsin. O’tgan mavzu mustahkamlanadi.Buning uchun tezkor savollar beriladi.
1. Mart oyi necha kun?
2. Mart oyida bayram bormi?
3. 21-mart qanday kun?
4. Bu yil qaysi muchal kirdi?
5. Havoni aynishini qaysi qush biladi?
6. Bahor fasli necha oy bo’ladi?
7. Bahorda qanday tansiq taomlar tayyorlanadi?
8. Erta bahorda ochiladigan gulning nomi nima?
9. Erta bahorda pishadigan sabzavot nomi.?
10.Bahorda birinchi qaysi daraxt gullaydi?
Yangi mavzu asosida ishlash.
Yangi mavzu “Asalari va pashsha.”
O’qituvchi o’quvchilardan asalari va pashsha haqidagi fikrlarini so’raydi.
1-o’quvchi;
Men ariman viz-viz
Guldan gulga uchaman
Bol to’plashdan tolmayman
Bekorchidan qochgayman.
2-o’quvchi;
Men ariman, ariman
Insonga shifokorman,
Tatib ko’ring bolimdan
Sira kasal bo’lmaysan.
O’qituvchi; Pashsha haqida nima bilasiz:
1-o’quvchi:
Men pashshaman,pashshaman
Sal dangasa yalqovman.
Tekin tamoq issiq havo
Meni jonu-dilimdir.
2-o’quvchi:
Tekin ovqat bo’lsa bas
Taqqillaydi tamogim
Hohlamayman mehnatni
Qishdan juda qo’rqaman.
3-o’quvchi:
Qish kelsa och qolaman
Rahmsizdir barchasi
Kuchdan qolib oxiri
Toshdek qotib qolaman.

O’qituvchi pashshaning inson hayotida turli kasalliklarga chalinishiga sabab bo’lishini,shuning uchun doimo ularga qarshi kurashish lozimligini aytadi va Asalari va pashsha matnini o’qiydi.O’quvchilar kitobdan kuzatib turushadi.

Ichda o’qish mashqi o’tkaziladi.O’quvchilar mavzuni bir marta ichlarida o’qib chiqishadi.
Tushinilmagan so’zlar asosida lugat ishi o’tkaziladi.
Shundan keyin o’quvchilar birma-bir o’qitib o’qish tezliklari kuzatiladi.
Yangi mavzuni mustahkamlash.O’quvchilarga quyidagi savollar bilan murojaat qilinadi.
Bugungu darsda nimalarni bilib oldingiz?
Inson tabibi nima ekan?
Bol nima?
Nima uchun inson pashshani yomon ko’radi?
O’quvchilar javoblari umumlashtiriladi.Faol o’quvchilar baholanadi.
Uyga vazifa;mavzuni o’qib kelish.
Dars yakunlanadi.