Limon zararkunandalariga qarshi kurashish

Limon zararkunandalariga qarshi kurashish
Limon o’simligini qanchalik yaxshi parvarishlamang ko’p o’tmay zararkunandalar paydo bo’ladi. Ularga qarshi kurashishning ko’p martalab sinalgan usullari mavjud, shuningdek fan ham chetda turgani yo’q. zararkunandalarga qarshi kurashga kirishishdan avval uning turini aniqlash zarur. Chunki kurash samarasi zararkunanda turi, yetkazgan zarari va o’simlikning qaysi qismidaligiga bog’liq.
Masalan, oqqanot limonning yetilgan barglarini hush ko’rsa, trips yosh shiralisini yemiradi, kana zararkunandasi tana va shoxlari po’stlog’iga, burglar orqasiga yopishib oladi, sertuk qurtlar ham o’simlikning haqiqiy kaushandasidir. Har qanday holatda ishni zararkunanda paydo bo’lgan o’simlikni boshqalaridan ajratishdan boshlash kerak. Zararkunanda tushgan o’simlikni vannaga olib kirib, kuchli suv oqimida har bir bargi yaxshilab yuvilsa, ular keskin kamayadi. Shundan so’ng zararkunandalarni butunlay yo’qotishga kirishiladi. Issiqxona yoki transheyadagi ko’chatlarga kuchli suv oqimi bilan yuviladi.
limon-yetishtirish

O’simlik biti

O’simlik biti –kamharakatli, 1-5mm li, qanotli va qanotsiz so’ruvchi hashorotdir. Unisi terisi nihoyatda nafis, ragi och sariq, to’q sariq, qizil, yashil, kulrang va xato qora bo’ladi. Eng ko’p uchraydigani –yashil, eng yashivchani –qizilidir. Shira yumshoq to’qimalar sharbati bilan oziqlanadi va odatda, yosh barg, shoh, kurtak hamda gulga tushadi. Hashorot tez ko’payadi. U nafaqat o’simlikning kuchini so’radi, balki virusli kasallik ham tashiydi. Gullarga eng ko’p o’simlik biti tushadi. Shuning uchun limonning yoniga gul qo’ymaslik kerak.
Zararlanish alomatlari –o’simlik biti to’dasi, odatda barg orqasiga yopishadi, natijada, u rangsizlanadi, buklanadi va yosh shoxchalar qiyshayadi. Barglar yopishqoq bo’lib qoladi. Ko’pincha o’simlik rivojlanishdan to’xtaydi/

Kurash choralari

Kurash choralari –o’simlik bitini tushirib tashlash uchun kirsovun eritmasi bilan yaxshilab yuviladi. Bunda shoxlar va burglar ikkala tomonidan yuvilishi zarur. Sovunli suv tushmasligi uchun tuvak tuprog’I politelin bilan yopiladi, o’simlik tubiga doka bilan o’raladi. So’ngra o’simlikka dori purkash mumkin.
1. Tamaki qaynatmasi -40gr tamakiga 1l suv quyib, bir so’tka qo’yiladi, keyin 2 soat qaynatiladi. Uni sovun eritmasiga qo’shib qo’llash ham mumkin.
2. Piyoz po’sti suvi -20gr po’stloqqa 1l suv quyib, 3-5 sutka saqlanadi. Keyin suzilib, o’simlikka purkaladi.
3. Sariksoq po’sti suvi -30gr po’stga 3l suv quyib, bir sutka saqlanadi.
4. Xantal (gorchitsa) suvi -60gr quruq xantalga 1l qaynoq suvda eritiladi. U qopqog’I zich yopiladigan idishda 3 sutka saqlanadi. Purkashdan avval eritma 1:3 proporsiyada suvga aralashtirladi.
5. Qoqio’t suvi –uni qoqi o’t ildizidan ham bargidan tayyorlash mumkin. 20-30gr maydalangan ildizi yoki 40gr yangi bargi 1 l issiq suvga solinadi va to’rt soat damlab qo’yiladi.
6. Kartoshka poyasining suvi -150gr yashil poya (yoki 75gr qurug’i) 1 qaynoq suvga solinib, 3 soat damlanadi, suziladi. Undan darxol foydalaniladi, asrash mumkin emas.
7. Pomidor poyasining suvi -500gr maydalangan yashil (yoki 250gr qurug’i) poyaga 1l suv quyib 30 daqiqa qaynatiladi. Ishlatishdan avval unga 1:3 proporsiyada suv aralashtiriladi.
Oqqanot –kichkina (2-3mm) qanotli hashorot. Oq parvonaga o’xshaydi. Oq chang bilan qoplangan ikki juft qanoti bor. Ular asosan ikki juft qanoti bor. Ular asosan pastki qismiga joylashadi.
Limon shifobaxshligi

Limon shifobaxshligi bilan qadrlanadi . Limon mevasining yumshoq qismida 5-8 % atrofida organik kislotalar (limon , olma kislotasi) , fitonsidlar, vitaminlar C,B1,B2,P karotin , flavonoidlar , efir moylari , qand , pektin moddalar ,shuningdek unda natriy ,kaliy , kalsiy , fosfor , magniy , temir kabi elementlar mavjud . Meva po'stida 0,6 % ga yaqin efir moylari (limonen, sitral), urug'larida esa moy hamda achchiq modda - limonin bo'ladi. Limonning shox va barglarida 0,24 % gacha efir moylari bor . Xalq tabobatida limon lavsha, sariq , istisqo , siydik yo'lidagi tosh , bavosil , o'pka sili , bod kasalliklarini davolashda shuningdek podagra, ateroskleroz , qon bosimi , vitaminlar yetishmasligida tavsiya etiladi . Limon sharbati bezgak bilan og'rigan bemorning isitmasini tushirish , chanqog'ini qondirishda yordam beradi . Limondan teri kasalliklarini davolashda ham foydalaniladi . Limondan tayyorlangan lasyon (xushbo'y suv) bilan yuzdagi husnbuzarlar hamda dog'larni ketkazish mumkin . Limon , bor kislotalari hamda timol aralashtirib vanna qabul qilib turilsa , oyoq terlashiga chek qo'yish mumkin . Ilmiy medetsinada limon va uning sharbati oshqozon -ichak kasalliklarida , organizmda mineral tuzlarning almashinuvi buzilganida iste`mol qilinadi , shuningdek limon sharbati angina , faringit kasalliklarini tuzatishda yordam beradi . Limon mevalari , shuningdek undan olinadigan limon kislotasi organizmda kislota yetishmasligi bilan bog'liq bo'lgan kasalliklarni davolashda yordam beradi . Limon o'simligining novdalari , barglari , meva qobig'idan efir moyi olinib , undan oziq-ovqat , parfyumera hamda farmatsevtika +sanoatida foydalaniladi . Farmatsevtikada limonning efir moyi ayrim dori-darmonlar ta`mini yaxshilashda ishlatiladi .