MASHG’ULOT TOPSHIRIQLARI (UY VAZIFASI UCHUN).
1. Pedagoglik kasbining paydo bo‘lishi hamda lug‘at (Hasanboev J. va boshqalar. Pedagogika fanidan izohli lug‘at. -T.: «Fan va texnologiya» nashriyoti, 2008) yordamida pedagoglik kasbi bilan bog‘liq tushunchalar (kasb, mutaxassislik, pedagogik mutaxassislik, pedagog, pedagogik malaka) va demokratik jamiyatda pedagog rollari (fasilitator. tyutor. Ingilator)ning namoyon bo‘lishini o‘rganish.
2.Pedagogika tarixiga doir o‘quv adabiyotlari (K.Hoshimov va boshqalar. Pedagogika tarixi. — T.: «O‘qituvchi», 1996) bilan tanishish orqali Sharq va G‘arb pedagoglarining pedagoglik kasbiga doir qarashlarini o‘rganish va tahlil etish.
3. «Zamonaviy pedagog shaxsi modeli» bilan tanishish hamda har bir sifat va xususiyatga izoh yozish.
4. «Mening idealimdagi pedagog» mavzusida o‘n minutlik esse yozish.
Esse - bu muallifning individual nuqtai nazarini ifoda etish shakli bo‘lib, biror narsa-hodisa yoki jarayon haqidagi umumiy yoki dastlabki dunyoqarashni o‘z ichiga oladi.
O‘n minutlik esseni yozish qoidalari:
1.Taklif etilgan mavzuga doir so‘zlar hajmi 500 tadan 1000 tagacha bo‘lishi mumkin.
2. «Pedagog deganda ko‘z oldimga ... keladi», «Mening fikrimga ko‘ra pedagog ... bo‘lishi kerak», «Zamonaviy pedagog ... kabi sifatlarga ega bo‘lishi kerak» kabi jumlalardan foydalaning.
3. O‘zingiz havas qilgan, siz uchun ideal bo‘lgan ustozlaringizdan biri misolida orzuingizdagi pedagog timsolini gavdalantiring.
5. Mavzuga oid ko‘rgazmali vosita tayyorlab kelish.
Ko‘rgazmali vositani tayyorlashga doir zaruriy ko‘rsatmalar:
1) mavzu mohiyati bilan bog‘liqlikda chizma, jadval, rasmni qo‘lda yoki kompyuter grafikasi yordamida tayyorlang;
2) ko‘rgazmali vositani izohlashga doir tavsifnoma yozing.
Do'stlaringiz bilan baham: |
