Mavzu: Bir nuqtali «Mono-Jetronic» purkash tizimi

Mavzu: Bir nuqtali «Mono-Jetronic» purkash tizimi.
Bir nuqtali «Mono-Jetronic» purkash tizimi. Yengil avtomobillarning benzinli dvigatellari uchun bir nuqtali purkash tizimi birinchi
bor 1975-yilda Bosch (Germaniya) firmasi tomonidan ishlab chiqildi. Bu tizim “Mono-Jetronic” nomini oldi va birinchi bor “Volkswagen”
avtomobiliga oʻrnatildi. Mono-Jetronic tizimida faqat bitta elektromagnit forsunka boʻlib, u L-Jetronic tizimidagi singari yonilgʻini ulushlab purkaydi. Lekin koʻp forsunkali purkash tizimlaridan farqli, MonoJetronic tizimida yonilgʻi kiritish klapanlarining atrofiga emas, balki aralashtirish kamerasiga purkaladi. Markaziy purkash tizimining muhim afzalliklaridan biri shuki, u standart karbyurator oʻrniga oʻrnatilishi mumkin. Bundan tashqari bu tizimda yonilgʻi bosimi 0,1...0,11 mPa gacha pasaytirilishi va ba’zi hollarda oddiy membranali benzin nasosini ishlatish imkoniyatini beradi.
2.63-rasmda Mono-Jetronic purkash tizimining tarkibiy sxemasi
keltirilgan. U tutash yonilgʻi halqasidan iborat boʻlib, quyidagi elementlardan tashkil topgan: benzobak 2, elektrobenzonasos 1, yonilgʻini mayin tozalash filtri 3, markaziy purkash forsunkasi 4, yonilgʻi bosimining rostlagichi 15.Tutash yonilgʻi halqasi quyidagi vazifalarni bajaradi:
• bosim rostlagichi yordamida yonilgʻi magistralida zarur doimiy
bosimni (Mono – Jetronic tizimi uchun 0,1...0,11 mPa) ushlab turadi;
• bosim rostlagichiga oʻrnatilgan prujinalangan diafragma yordamida
dvigatel oʻchirilganida ham yonilgʻi quvurlarida ma’lum qoldiq bosimni
(~0,05 mPa) saqlab turadi. Bu dvigatel oʻchgandan keyin yonilgʻi
quvurlarida havo va par tiqinlarini yuzaga kelishini oldini oladi;
• yonilgʻining tutash halqa orqali doimiy harakati hisobiga purkash
tizimi elementlarini sovitib turilishi ta’minlanadi.