Mavzu: Obyektga mo’jallangan dasturlash asoslari

Mavzu: Obyektga mo’jallangan dasturlash asoslari
Obyektga mo’jallangan yondashuv (OMY) bir kunda o’ylab topilgan emas. Uning paydo bo’lishi dasturiy ta’minotning rivojlanishsining bir pog’onasi holos. Vaqt o’tishi bilan qaysi uslubda ishlash qulayu qaysi uslubda ishlash noqulay ekanligi oydinlasha boshladi. OMY vaqt sinovidan o’tgan, eng muvafaqqiyatli uslublarni o’zida mujassam etadi.
Obyektga mo’ljallangan yondashuv (OMY) dasturiy ta’minotni ishlab chiqarishda oltita asosiy maqsadni ko’zlaydi. OMY paradigmasiga muvofiq ishlab chiqarilgan dasturiy ta’minot quyidagi xususiyatlarga ega

1. 
   Tabiiylik
   
2. 
   Ishonchlilik
   
3. 
   Qayta qo’llanish imkoniyati
   
4. 
   Kuzatib borishda qulaylik
   
5. 
   Takomillashishga qodirlik
   
6. 
   Yangi versiyalarni doimiy chiqarishning qulayligi
   

OMY ni yaxshi tushunib yetishda va foydalanishda avvalam bor chuqur bazaviy bilimga ega bo’lish lozim. Bazaviy tushunchalarni puxta anglab yetibgina dasturlarni yaratishda OMY ni qo’llash mumkin. Inkapsulyatsiyalash, vorislik va polimorfizm Obyekta mo’ljallangan dasturlash (OMD)ning uchta asosiy bazaviy tushunchasi hisoblanadi.
Protsedura tillari dasturchiga axborotga ishlov berish dasturini pastroq darajadagi bir nechta protseduraga bo’lib tashlash imkonini beradi. Pastroq darajadagi bunday protseduralar dasturning umumiy tuzilmasini belgilab beradi. Ushbu protseduralarga izchil murojaatlar protseduralardan tashkil topgan dasturlarning bajarilishini boshqaradi. Strukturaviy dasturlashning asosiy g'oyasi «bo‘lakla va hukmronlik qil» qoidasiga butunlay mos keladi. Bu qoida avval tarixdan siyosatning eng samarali usuli hisoblangan. Chunki bo’laklangan hoda barcha davlatlar ham kuchsiz hisoblanadi.