Омад бизнес сари

Ўзбекистон Республикаси товар-хом ашё биржаси бошқарув раиси
З.Б.Бадриддиновга
“Омад бизнес сари” МЧЖ раҳбари
Мирахмедова М.Т дан
Чирчик шаҳар, Ахмад Яссавий МФЙ, Тикланиш кўчаси, 1А-уй
Тел: [phone]

№218/55

15.11.2023

Мурожатнома

Менга тегишли бўлган Тошкент вилояти, Чирчик шаҳар, Ахмад Яссавий МФЙ, Тикланиш кўчаси, 1А-уй манзилида жойлашган “Омад бизнес сари” хусусий корхонаси, яъни автомобилларга ёқилғи қуйиш шахобчаси мавжуд.
Биржада корхонага ёқилғини олиб бериш трейдер (брокер контора 152) Мухамедов Камолиддин Фазлитдинович томонидан амалга оширилади.
Маълум қиламанки, 15 кундан ортиқ муддатдан бери корхонамиз фаолияти тухтаб қолган, чунки шу муддатдан бери биржада умуман ёқилғини хеч қандай тури ажратилмаяпти. Фаолиятимиз тўхтаб қолганлиги боис унда ишлаётган ишчи ходимларга маош ажратиш тухтаб қолган. Бу эса, ўз-ўзидан ишчилар оила аъзоларини боқишда қийинчиликларга дучор бўлмоқда, тадбиркорлик фаолиятимиз эса жар ёқасига келиб қолмоқда.
Бу холатни бизга хизмат кўрсатаётган трейдер К.Мухамедов фақатгина елкасини сиқиш билан кифояланиб, хеч қандай изоҳ бера олмаяпти.
Хурматли товар-хом ашё биржаси бошқарув раиси Сиздан бу холатни яъни, нима сабабдан бир неча кундан буён корхонамизга ёқилғи ажратилмаётганлигини ўрганиб чиқишингизни, бу холатни зудлик билан бартараф этиш чораларини кўришда амалий ёрдам беришингизни сўрайман.
Бу холат бартараф этилмаса, тадбиркорлик фаолиятимизни тугатиб, ундаги ишлаётган барча ишчи-хизматчиларни бўшатишга тўғри келади. Бунинг оқибатида эса, бир неча оилаларнинг турмуш тарзига жиддий зиён етказилиши мумкинлиги эҳтимолдан холи эмас.
Директор Мирахмедова М.Т