Она тилим жон тилим, Жумлаларга кон тилим

ФАНЛАР УЧУН ТУРТЛИКЛАР.

📗 ОНА ТИЛИ.

Она тилим жон тилим,
Жумлаларга кон тилим,
Ўқиб, ўрганиб ҳар он,
Бўламиз комил инсон.

📕ИНГИЛИЗ ТИЛИ.

Дунёни кўрай десанг,
Зўр олим бўлай десанг,
Ўқиб ўрган, хориб тол,
Чет тилини билиб ол.

📘ТАРИХ
Буюк келажак учун,

Ўқиб, ўрган туну кун,
Ўтмишингни англа, уқ,
Тарихсиз келажак йўқ.

📙МАТЕМАТИКА.

Фанларнинг энг кексаси,
Қўшиш, айриш, кесмаси,
Керак бўлар ҳар онда,
Математика зўр фанда.

📒 ОДОБНОМА.

Энг аввало ассалом,
Ота онага салом,
Устоз сизга эҳтиром,
Одобим ширин калом.

📓 ТАБИАТ.

Атрофга боқ эй ўртоқ,
Тоғ,адир, майсазор, қир,
Табиатни асрамоқ,
Муқаддас бурчимиздир.

📔ЖИСМОНИЙ ТАРБИЯ.

Гар соғлом бўлай десанг,
Қувватга тўлай десанг,
Доим машқ қилиб тур,
Эрталаб югуриб тур.


✍️ Муаллиф :Хуршид Карим.