O'zbekiston respublikasining halqaro tashkilotlarga azo bo'lishi

O'zbekiston respublikasining halqaro tashkilotlarga azo bo'lishi 
R e j a 
1. Xalqaro tashkilotlar tushunchasi. Xukumatlararo xalqarotashkilotlar tushunchasi va belgilari.
2. Xalqaro tashkilotlarning klassifikasiyasi. Noxukumatlararo tashkilotlar tushunchasi.
3. Xalqaro tashkilotlarning funksiyalari.

Xalqaro tashkilotlar. Xukumatlararo tashkilotlar. Noxukumatlararo tashkilotlar. Asosiy mintaqaviy tashkilotlar. Xalqaro tashkilotlar funksiyalari.

1. Xalqaro tashkilotlar tushunchasi. Xukumatlararo xalqaro tashkilotlar tushunchasi va belgilari.
O'zbekiston Respublikasi mustaqilligini qo'lga kiritilishi Vatanimiz xalqlari xayotida juda katta tarixiy voqea bo'ldi.
O'zbekistonning jahon hamjamiyatiga qo'shilishi uchun keng yo'l va imkoniyatlar ochildi. Xozirgi kunda O'zbekiston dunyodagi ko'plab nufuzli xalqaro tashkilotlar, jamg'armalar va xarakatlarning teng huquqli a'zosi sifatida ishtirok etmoqda..
Kursning maqsadi xam ana shularni talabalar ongida shakllantirishdir. Bu orqali esa bugungi kun yoshlarimizni xalqaro nufuzi oshib borayotgan Respublikamiz hayotidan xabardor qilib borishdir.
O'zbekistonning xalqaro nufuzi va obruyi kundan kunga ortib bormoqda. Hozirgi tezkor zamonamizda yoshlarning axborotlar, ayniqsa xalqaro xayot va xalqaro tashkilotlar faoliyati va ularda O'zbekistonning ishtiroki haqidagi ma'lumotlarga bo'lgan qiziqishlari ortib bormoqda. Mazkur ma'lumotlarga bo'lgan ehtiyojlarni qondirish maqsadida ushbu kurs tashkil etilgan.
Kursni o'tish davomida xalqaro tashkilotlar tushunchasi, ya'ni dunyodagi mavjud xalqlarning bir birlari bilan barcha soxalarda olib borayotgan xamkorliklari keng ma'noda tushuntirilib boriladi.
Xalqaro tashkilotlarning klassifikasiyasi, noxukumatlararo xalqaro tashkilotlar: tashkil etilishi, maqsadlari va vazifalari, shuningdek xukumatlararo tashkilotlar: ularning faoliyat ko'rsatishi, ishtirokchilar davrasi, a'zolikka qabul qilish tartiblari va faoliyat doirasi, maqsadlari va prinsiplari ushbu kursda to'laligicha o'rgatiladi.
Ushbu kurs davomida biz aynan asosiy mintaqaviy tashkilotlar: Afrika birligi tashkiloti (ABT), Arab davlatlar ligasi (ADL), Amerika davlatlari tashkiloti (ADT), Yevropa ittifoqi, Shimoliy Atlantika shartnomasi tashkiloti (NATO), Janubiy Sharqiy Osiyo mamlakatlari assosasiyasi (ASEAN) va boshqa tashkilotlar faoliyati va ularning O'zbekiston bilan hamkorligini urganamiz.