«Sabaq muqaddes» baǵdarlaması tiykarındaǵı bir saatlıq sabaq islenbesi Sáne: Klass

«Sabaq muqaddes» baǵdarlaması tiykarındaǵı
bir saatlıq sabaq islenbesi
Sáne: ___________
Klass: ____________
Pánniń atı: matematika
Tema: Arifmetikalıq tórt ámel hám olardıń orınlanıw tártibi (2-sabaq)
Sabaqtıń maqseti:
a) bilim beriwshilik: oqıwshılarǵa arifmetikalıq tórt ámeldi paydalanıw boyınsha maǵlıwmatlar beriw;
b) tárbiyalıq: oqıwshılar menen kishi toparlarda islesiw arqalı básekige, shaqqanlıqqa, doslıqqa tárbiyalaw;
c) rawajlandırıwshı: arifmetikalıq tórt ámeldiń orınlanıw tártibin ámelde nátiyjeli paydalana aladı
Sabaq túri: dástúriy bolmaǵan sabaq
Kompetenciya: kommunikativ kompetenciya, axboratlar menen islew kompetenciyası.
Sabaqta paydalanılǵan metodlar: soraw-juwap, jeke hám kishi toparda islew.
Sabaqtı qurallandırıw: sabaqlıq, taxta, por, tarqatpa materiallar, slayd.
Shólkemltetiriw (2 minut) :
Oqıwshılar menen sálemlesiw, olardıń qatnasın tekseriw, klass tazalıǵına kewil bóliw, sáneni hám taza temanı járiyalaw.
Úyge tapsırmanı soraw (7 minut): Sabaqlıqtıń 29-betindegi 121-122-esaplardı birgelikte tekseremiz. Bunıń ushın oqıwshıǵa kartatekalar beriledi. Úy jumısında orınlap kelgen esaplardı túsiriwi tiyis (beriliwi kitapta berilgen). Juwabı:
121-esap.
534 + 389 = 923 707 – 619 = 88 356·2 = 712 804:3 = 268
945 – 624 = 321 216 + 423 = 639 940:4 = 235 195·5 = 975
122-esap
4 m 56 sm = 456 sm 6 m 09 sm = 609 sm
9 sm 8 mm = 98 mm 5 dm 7 sm = 57 sm
Taza temanıń bayanı (13 minut):
1. Yadıńızda saqlań! Eger ańlatpa tek qosıw hám alıw ámellerinen ibarat bolsa, ámeller berilgen tártipte (shepten ońǵa) orınlanadı.
Mısalı. 380 – 250 + 200 – 100 = 130 + 200 – 100 = 330 – 100 = 230.
2. Yadıńızda saqlań! Eger ańlatpa tek kóbeytiw, bóliw ámellerinen ibarat bolsa, ámeller izbe-iz (shepten ońǵa) orınlanadı.
Mısalı. 240 : 60 · 12 : 8 = 4 · 12 : 8 = 48 : 8 = 6
3. Yadıńızda saqlań! Ańlatpa hár qıylı arifmetikalıq ámellerden dúzilse, dáslep izbe-iz kóbeytiw yamasa bóliw ámelleri (shepten ońǵa) orınlanadı, keyin qosıw hám alıw ámelleri (shepten ońǵa) orınlanadı.
Mısalı. 520 – 400 : 80 · 20 = 520 – 5 · 20 = 520 – 100 = 420.