Sabaq tipi: Jańa bilim beriw Sabaq túri: dástúriy emes Sabaq metodı

Sáne: 13.02.2023
Klass: 9a
Tema: Dánekersiz qospa gáp. Dánekersiz qospa gáp haqqında túsinik.
Sabaq tipi: Jańa bilim beriw
Sabaq túri: dástúriy emes
Sabaq metodı: Aqlıy hújim, Blits soraw metodı.
Sabaq usılı: jeke bilim beriw
Sabaqtıń maqseti:

1. 
   Bilim beriwshilik maqseti: oqıwshılarǵa dánekersiz qospa gáp hám onıń túrleri haqqında ulıwma túsinik beriw
   
2. 
   Tárbiyalıq maqseti: oqıwshılardı birge islesiwge, doslıq múnásibetin bekkemlewge, ata-ananı húrmetlewge, perzentlik parzın orınlawǵa úyretiw
   
3. 
   Rawajlandırıwshilıq maqseti: oqıwshılardıń sóylew qábiletin hám jazba sawatxanlıǵın rawajlandırıw, jańa sózlerdi payda etiwge úyretiw, sózlik baylıǵın asırıw.
   

Sabaqtı qurallandırıw: sabaqlıq, por, tarqatpa materiallar, slayd, skosh,

q/s	Sabaq rejesi	Waqıt
1	Shólkemlestiriw	2 minut
2	Úyge tapsırmanı soraw	8 minut
3	Taza temanı túsindiriw	15 minut
4	Taza temanı bekkemlew	15 minut
5	Úyge tapsırma beriw	3 minut
6	Oqıwshılardıń bilimin bahalaw	2 minut

Sabaq barısı:


I. Shókemlestiriw: Klasqa kirip oqıwshılar menen sálemlesemen, náwbetshi arqalı oqıwshılardı barlayman, olardıń oqıw qurallarınıń bar-joqlıǵına itibar qarataman.
II. Úyge tapsırmanı soraw:
Tema: Ótilganlerdi tákirarlaw. Oqıwshılardıń alǵan bilimlerin tákirarlaw maqsetinde Blits soraw metodın ótkerdim.
1. Baǵınıńqılı qospa gáp degenimiz ne?
2. Kóp baǵınıńqılı qospa gáptiń qanday túrleri bar?
3. Izbe-iz baǵınıńqılı qospa gáp neshe jay gáplerden dúziledi?
Soraw-juwapta belsene qatnasqanlardı bahaladım.
1.
2.
3.
4.
5.
III. Taza temanı túsindiriw:
Taza temanı taxtaǵa jazaman hám oqıwshılarǵa temanı mısallar járdeminde túsindirip, sóylep beremen.
Tema: Dánekersiz qospa gáp. Dánekersiz qospa gáp haqqında túsinik.
Quramındaǵı jay gápleri dánekersiz, intonaciya arqalı baylanısqan qospa gápke dánekersiz qospa gáp delinedi. Dánekersiz qospa gápler quramındaǵı jay gáplerdiń mánilik qatnaslarına qaray dánekersiz mezgilles, dánekersiz qarsılas, dánekersiz sebep-nátiyje, dánekersiz túsindirmeli qospa gáp bolıp 4 túrge bólinedi.

Gúz keldi, kók shópler sarǵılt túske endi. Kemeler arnanıń jaǵasına kelip toqtadı, bular da katerden tústi. Altaw ala bolsa awızdaǵını aldırar, tórtew túwel bolsa

tóbedegini túsirer. Ógiz jániwardıń ayaǵın bir nárse shawıp ketken, qan sorǵalap tur.
IV. Taza temanı bekkemlew: Bekkemlew maqsetinde oqıwshılarǵa
124-shınıǵıwdı islettiremen.
124-shınıǵıw. Berilgen qospa gáplerge dıqqat awdarıń. Olardıń qaysısı intonaciya, qaysısı dizbekli dánekerler, qaysısı baǵındırıwshı dánekerler arqalı baylanısqanın anıqlań.
1. Shaqalar qıymıldamaydı, japıraqlar sıldırlamaydı. 2. Shaqalar qıymıldamaydı hám japıraqlar sıldırlamaydı. 3. Jerler kókledi, átirap kók lipasqa bólendi. 4. Jerler kókledi hám átirap kók lipasqa bólendi. 5. Jerler kóklegenlikten, átirap kók lipasqa bólendi. 6. Jerler kókledi, sonlıqtan átirap kók lipasqa bólendi.