Sirdayo viloyati Xovos tumani 9-maktabning boshlang`ich sinf o`qituvchisi Yuldasheva Dilfuzaning 3-sinflar uchun tuzgan pisa testi. Baxilning yomonligi

Sirdayo viloyati Xovos tumani 9-maktabning boshlang`ich sinf o`qituvchisi Yuldasheva Dilfuzaning 3-sinflar uchun tuzgan PISA testi. Baxilning yomonligi

(Rivoyat)

Bir mahallada shaxsiy va badavlat odam yashar ekan. U doim odamlarga yaxshilik qilar va ularni tez-tez mehmonga chaqirar ekan. Mahalla ahli uning hurmatini joyiga qo`yar ekan. Lekin shu mahallada bir baxil kishi o`sha odamni yomon ko`rar ekan. Orqasidan ig`vo qilib, paytini topsa, unga ziyon yetkazar ekan. Haligi saxiy odam qachon ziyofat bersa, o`sha baxilni ham chaqirar va izzat-ikrom qilar ekan. Haligi odam ziyofatga kelib osh-nonini yeb, tashqariga chiqib, yana uni yomonlar ekan. Mahalla ahli uning bu ishidan hayron bo`lar ekan.

Bir kuni shu mahalladagi odam saxiydan so`rabdi:

-Siz falonchining sizga dushman ekanligini bilamysizmi? Nega uni uyingizga chaqirib mehmon qilasiz?

-Bilaman, lekin qo`shnichilik hurmatidan chaqiraman. Bir kuni insofga kelib qolar deb umid qilaman. Qolaversa, uning gaplarini eshitib , yana nimani rejalashtirayotganini bilib olaman, -debdi.

Ey farzand, dushman kichkina, qo`lidan nima ham keladi, deb g`aflatda qolma. Uning niyatidan doim xabardor bo`lib tur.

Topshiriqlar.

1. Baxilning yomonligi qanday janrda yozilgan?

A. Rivoyat B. Hikoya D.Ertak

2.-Siz falonchining sizga dushman ekanligini bilmaysizmi?Nega uni uyingizga chaqirib mehmon qilasiz?gaplari kimga tegishli?

A. Saxiyga B. baxilga D. mahalladagi odamga

3. Saxiy va baxil odamga munosabat bildiring

------------------------------------------------------------------------------------------------------------------------------------------------------------------------------------------------------------------

4. Rivoyatdan qanday xulosa chiqardingiz?

5. Saxiylik va baxillik haqida maqollar yozing.