Tema: Zähmet psihologiýasynyň ugurlary Meýilnama

Tema: Zähmet psihologiýasynyň ugurlary


Meýilnama:

1. 
   Dolandyryşyň psihologiýasy
   
2. 
   Awiasion psihologiýa
   
3. 
   Kosmiki psihologiýa
   
4. 
   Inžener psihologiýa
   
5. 
   Guramaçylyk psihologiýasy
   

Zähmet psihologiýasyna zähmet işiniň aýry aýry görnüşlerini öwrenýän bir hatar ugurlar degişli:

Dolandyryşyň psihologiýasy – dolandyryş işiniň köpdürli psihologik meseleleri bilen meşgullanýar:

• 
  Ýolbaşçynyň şahsy sypatlaryny, stilini we iş usullaryny öwrenmeklik;
  
• 
  Ýolbaşçynyň işiniň netijeliligini ýokarlandyrýan faktorlary öwrenmeklik.
  

Awiasion psihologiýa – hünärmen işiň degişli gurşawynda adamyň psihologik meselelerini, şeýle hem uçarman işini üstünlikli öwretmegiň şertlerini öwrenýär.
Kosmiki psihologiýa – kosmiki uçuş wagtynda adamyň işiniň psihologik şertlerini, agramsyzlyk, organizme çenden aşa agram salmalarda döreýän nerw-psihiki dartgynlyk bilen bagly meseleleri öwrenýär.
Harby psihologiýa – harby hereket şertlerinde adamyň özüni alyp barşyny we harby işi öwretmek meselelerini seljerýär. Şeýle hem, harby işgärleriň psihologik aýratynlyklaryny, ýolbaşçylar bilen golastyndakylaryň özaratäsirini öwrenýär.
Inžener psihologiýa – adamyň we tehnikanyň özaratäsiriniň psihologik meselelerini öwrenýär. Inžener psihologiýada awtomatlaşan dolandyryş ulgamlarynda adam-operatoryň işine aýratyn üns berilýär. Psihologlar indiki meseleler bilen meşgullanýarlar:

• 
  Dolandyryş pultynyň haýsy aýratynlyklary adam-operatorda çenden aşa ýadawlygy döredýär;
  
• 
  Abzallaryň görkezijileri kabul edilende, ýüze çykýan ýalňyşlyklar.
  

Guramaçylyk psihologiýasy – hem ylmy, hem amaly ugur hökmünde kemala gelip, berlen gurşawyň psihologlary müşderilere we guramanyň administrasiýasyna hyzmat edýärler. Olar indiki ýumuşlary ýerine ýetirýärler:

• 
  Dalaşgärleri saýlap-seçmek;
  
• 
  Hünärmen okadylyş boýunça maksatnamalary taýýarlamak;
  
• 
  Işgärleri täzeden okatmak boýunça işler;
  
• 
  Maglumaty hödürlemegiň usullaryny taslamak;
  
• 
  Zähmeti bahalandyrmagyň şertlerini işlemek;
  
• 
  Guramaçylyk özgermelerini meýilleşdirmek we ş.m.
  

Söwda psihologiýasy – satyjynyň we alyjynyň özaratäsiriniň, müşderilere hyzmat etmegiň, mahabat psihologiýasynyň meseleleri bilen meşgullanýar. Söwda kärhanasynyň psihology indiki meseleleri çözýär:

1. 
   Hünärmen seçgi, kadrlary paýlamak, uýgunlaşma ýardam bermek, işgärleriň hünär derejesini ýokarlandyrmak, işewwir we şahsy sypatlary bahalandyrmak;
   
2. 
   Psihologik klimaty seljermek we kemala getirmek, konflikt ýagdaýlary öwrenmek we olary çözmek boýunça maslahatlary işlemeklik;
   
3. 
   Ýolbaşçylaryň we işgärleriň hünärmen psihologik medeniýetini ýokarlandyrmak, aragatnaşygyň endiklerini we başarnyklaryny öwretmek;
   
4. 
   Kärhananyň sosial meseleleriniň seljermesi we diagnostikasy, guramaçylyk täzeçillikleri girizmegiň psihologik we sosial netijelerini öňünden çaklamak;
   
5. 
   Mahabatyň psihologik üpjünçiligi.