Tázim sizge ustazlar!

---

Tázim sizge ustazlar! 
Dúnyada kásipler o
ǵada kóp. Hárbir kásiptiń ózine tán mashaqatı , 
sonıń menen birge maqtanıshlı tárepleri de bar. Hárbir insan óz 
qızıǵıwshılıǵına qarap kásip tańlaydı. Bunıń ushın oǵan tereń bilim 
hám tınımsız miynet kerek. Kerekli bilimlerdi biz, sózsiz, 
ustazımızdan alamız. Jas náresteniń sanasına, júregine tunǵısh
bilim nurların shashıwshı insanlar, álbette, ustazlar. Eń dáslepki 
bilim dárgayına qádem taslaǵan kúnin, ilim jolında jol baslawshı 
bolǵan ustazın heshkim umıta almaydı.
Bul sharapatlı kásip iyeleri shákirtlerin óz perzentindey súyip bilimi 
menen birge óz miyirimin, muhabbatın da ayamaydı. Ata-anamız sıyaqlı 
biz ushın qay
ǵırıp, hámiyshe tuwrı jolǵa baslaydı. Sonlıqtan da
kásiplerdiń sultanı bol
ǵan bul kásip óziniń qıyınshılıqlarǵa tolı, biraq 
al
ǵıslarǵa bay jolı menen ajıralıp turadı. 
Bul haqqında shayırlarımız da kóplegen qosıqlar dóretken. Ullı 
shayırımız Ibrayım Yusupov : 
Bir hárip úyretken adam
ǵ
a qırıq jıl, 
Xizmet qılsań ol da bolar deydi az, 
Siz ushın, siz ushın qosıqlarım bul, 
Dańq hám al
ǵ
ıs sizge qádirdan ustaz 
- dep jazǵan edi. 
Shınında da, ustazlar ushın qansha qosıq jazsań da azday kórinedi. 
Olardıń miynetin, miyirim-shápáátin qa
ǵazǵa sıydırıw múmkin emes.
Insan ustazları aldında mudamı qarızdar. Olardıń húrmeti, ullılı
ǵı 
aldında bas iyemiz. Adam balası ómiri dawamında qanday da bir 
nátiyjege , tabısqa eriser eken, sol jetiskenliktiń tiykarı , álbette, 
ustazlarınıń miyneti bolıp tabıladı. Ustazlar ba
ǵmanlarǵa qusaydı. 
Baǵman nálshelerdi qalay álpeshlep tárbiyalasa, ustazlar da

---

shákirtlerine bar itibarın, mehirin berip keleshekke qaray 
baǵdarlaydı.
“Ustaz atańday ullı”- degen naqıl biykar aytılmaǵan. Olardı ata-ana 
sıyaqlı qádirlewimiz, násiyatların tıńlap, húrmet kórsetiwimiz lazım.
Xalqımızda mınanday ráwiyat bar :
“Kúnlerdiń birinde shákirtleri Álisher Nawayıdan soraptı : “ Ustaz, 
dúnyada áke ullı ma ? yamasa ustaz ba? ” 
Sonda Nawayı babamız : “Durıs , ákem maǵan ómir inám etti
yaǵınıy kókten jerge túsirdi. Lekin, ustazım maǵan bilim berip , meni 
jerden kóklerge kóterilip usı dárejege jetiwime járdem berdi ”- dep 
juwap bergen eken.
Demek, ullılıqqa qaray jol baslawshı juldızımız bolǵan 
ustazlarımızdı kóklerge kóterip húrmetlewimiz zárúr. Biz, 
shákirtlerdiń tabısı olardı sheksiz quwanıshqa bóleydi.
Tázim sizge ullı ustazlar !
QMU
Qaraqalpaq filologiyası hám jurnalistika fakulteti
Jurnalistika qanigeligi 2-A topar studenti
Gúlayım Nurgaliyeva