Ózbekstan Respublikasındaǵı ekonomikalıq, jámiyetlik-siyasiy waqıyalarǵa baylanıslı maǵLÍwmatlar

Oraydıń 2023-jıl 3-oktyabrdegi
1/03-105-sanlı xatına qosımsha


Ózbekstan Respublikasındaǵı ekonomikalıq,
jámiyetlik-siyasiy waqıyalarǵa baylanıslı
MAǴLÍWMATLAR


Oqıtıwshı hám ustazlar kúni múnásibeti menen tálim-tárbiya sistemasında ayrıqsha ónege kórsetken xızmetkerlerden bir toparın sıylıqlaw haqqında


Ózbekstan Respublikası Prezidentiniń Pármanı


https://uza.uz/oz/posts/oqituvchi-va-murabbiylar-kuni-munosabati-bilan-talim-tarbiya-tizimida-alohida-ornak-korsatgan-xodimlardan-bir-guruhini-mukofotlash-togrisida_524607


Xalıqqa sociallıq xızmetler hám járdemler kórsetiw sistemasın jáne de jetilistiriw is-ilajları haqqında


Ózbekstan Respublikası Prezidentiniń Qararı


https://uza.uz/oz/posts/aholiga-ijtimoiy-xizmatlar-va-yordamlar-korsatish-tizimini-yanada-takomillashtirish-chora-tadbirlari-togrisida_525141


Temir jol tarawın reformalaw boyınsha usınıslar kórip shıǵıldı


Prezident Shavkat Mirziyoyev 25-sentyabr kúni temir jol tarawın reformalaw boyınsha tiykarǵı wazıypalardı dodalaw boyınsha májilis ótkerdi.
Sońǵı jeti jılda mámleketimizde sanaat kárxanaları kóbeyip, 110 mıńǵa jetti. 2 mıńnan aslam jańa ónim islep shıǵarıw jolǵa qoyıldı. Eksport kólemi 1,6 esege artıp, ótken jılı 19 milliard dollarǵa jetti. Solardıń nátiyjesinde mámleketimizde júk aylanısı 30 procentke artqan.
Bizge belgili, Ózbekstan sıyaqlı dún'ya okeanlarına tikkeley shıǵıw imkaniyatı joq mámleketler ushın eń qolaylı hám arzan transport bul – temir jol bolıp esaplanadı. Biraq, házir ishki bazarda ónimniń tek ǵana 5 procenti, eksportta bolsa 45 procenti poezdda tasılmaqta. Yaǵnıy, «Ózbekstan temir jolları» akcionerlik jámiyeti avtobomil'de júk tasıwǵa básekilese almay atır.
Sebebi taraw uzaq jıllar reformalanbadı, zamanagóy basqarıw sisteması engizilmedi. Sonıń menen birge, xalıqaralıq maydandaǵı jaǵday esabınan transport-logistika qárejetleri de artqan. Aqıbetinde jámiyettiń dáramatı da, xızmetler sapası da tómen bolıp qalmaqta.
Sonıń ishinde, vagonlardıń jetispewshiligi hám olardıń kóbisi eskirgenligi aytıp ótildi. Házirgi tarifler hám basqarıw sisteması menen tarawǵa jeke menshik sektordıń kiriwi qıyın. Ayırım stanciyalardıń dáramatı óz qárejetin qaplamaydı. Sanlastırıw dárejesi tómenligishe qalmaqta. Vokzallarda sawda hám servis kerekli dárejede jolǵa qoyılmaǵan. Qáwipsizlik bánesi menen oraylıq vokzallarǵa kirip-shıǵıw imkaniyatı sheklengen. Avtomobil' turıw orınlarınıń alıs jaylasqanı, bilet satıwdaǵı korrupciya, vagonlardaǵı sharayat hám xızmetten xalıq narazı.
Usılar atap ótilip, májiliste reformalaw boyınsha usınıslar dodalandı.
Oǵan bola, «Ózbekstan temir jolları» akcionerlik jámiyetin xoldinge aylandırıp, zamanagóy basqarıwdı engiziw, infrastruktura, júk vagonları hám logistika, jolawshı tasıw xızmetleri sonday-aq, vokzallar basqarıwın bir-birinen ajıratıp, óz aldına kárxanalar shólkemlestiriw mólsherlenbekte.
Mámleketimiz basshısı bul usınıslardı maqullap, tarawdaǵı nátiyjelilikti arttırıw boyınsha qosımsha kórsetpeler berdi. Buxgalteriyanı ayqın etip, kárxanalarǵa mámleket kepilligisiz investiciyalar hám sırt el ekspertlerin tartıw zárúr ekenligi atap ótildi.
Tarawda jeke menshik sektor ushın tartımlı tarifler qáliplestiriliwi, isbilermenlerdiń vagon satıp alıwı ushın kreditler ajıratılatuǵını belgilendi. Sonday-aq, oraylıq vokzallar átirapında zamanagóy sawda komplekslerin qurıw múmkin boladı, vokzallardaǵı orınlar ijara ushın aukcionǵa shıǵarıladı. Temir jol stanciyaları átirapında bos orınlar anıqlanıp, logistika xızmetleri hám óndiris joybarları jaylastırıladı.
Sanlı texnologiyalar ministrligi menen birgelikte «bir ayna» principi arqalı júk hújjetlerin elektron rásmiylestiriw, vagonlarǵa GPS ornatıw hám onlayn qoymaxana sistemasın iske qosıw wazıypası qoyıldı.
«Ózbekstan temir jolları»nıń tarawlıq emes aktivlerin qayta kórip shıǵıw, olardı satıwdan túsken qarjılardı temir jol infrastrukturasın jaqsılawǵa baǵdarlaw zárúr ekenligi atap ótildi.
Poezdlardıń úlken bólegi paytaxt hám wálayat oraylarına kirip keliwi aqıbetinde stanciyalarda tıǵılıs joqarı bolıp atırǵanı kórsetip ótildi. Sonıń ushın júk stanciyaların qalalardan tısqarıǵa kóshiriw imkaniyatın úyreniw zárúr ekenligi atap ótildi. Bul qalalarda júk mashinaları háreketi azayıwına, rayonlarǵa qosımsha investiciya kiriwine xızmet etedi.
Transport prokurorına barlıq temir jol kesilispelerin tártipke alıp, puqaralar hám háreket qáwipsizligin támiyinlew boyınsha kórsetpe berildi.
Xızmetkerlerdiń mamanlıǵı, xızmetler sapası máselelerine de toqtap ótildi.
Mámleketimiz basshısı tarawdaǵı reformalar arqalı xalıq hám isbilermenlerdi razı etetuǵın sistema jaratıw zárúr ekenligin atap ótti.
Juwapkerler májiliste dodalanǵan máseleler boyınsha málimleme berdi.