Ózbekstan Respublikasındaǵı ekonomikalıq, jámiyetlik-siyasiy waqıyalarǵa baylanıslı maǵLÍwmatlar

BUL HÁPTE “АXBOROT HÁM TYUTORLÍQ SAАTÍ” SABAQLARÍN ÓTKERIW USHÍN TАYARLАNǴАN JÁRDEMSHI MАTERIАLLАR
Tema: “Ullı babalarımızǵa húrmet”

Pútkil dúnyada ullı babalarımızdıń sónbes dańqına sıy-húrmet, olardıń bay ilimiy miyrasların úyreniwge qızıǵıwshılıq bárhama joqarı bolǵan. Shet mámleketlerde olardıń ómiri hám xızmeti haqqında ilimiy hám kórkem shıǵarmalar jaratılǵan.

Prezidentimiz Shavkat Mirziyoyev basshılıǵında ullı alımlarımız, áziz-áwliyelerimiz zıyarat ornıların abadanlastırıw jumısları izbe-iz dawam ettirilip atır. Milliy ruwxıy miyraslarımızdı qayta tiklew hám abaylap saqlaw, ilim hám bilimlendiriwdi rawajlandırıwǵa ayrıqsha itibar qaratılmaqta.
“Biz óz aldımızǵa mámleketimizde Úshinshi Renessans tırnaǵın qalaw sıyaqlı ullı maqsetti qoyǵan ekenbiz, onıń ushın jańa Xorezmiyler, Beruniyler, Ibn Sinalar, Ulıǵbekler, Nawayı hám Baburlardı tárbiyalap beretuǵın ortalıq hám sharayatlardı jaratıwımız kerek. Bunda, áwele, tálim hám tárbiyanı rawajlandırıw, salamat turmıs tárizin jolǵa qoyıw, ilim hám innovaciyalardı rawajlandırıw milliy ideyamızdıń tiykarǵı ústinleri bolıp xizmet etiwi kerek.
Bul maqset jolında jaslarımız óz aldına úlken sheklerdi qoyıp, olarǵa erisiwi ushın keń múmkinshilikler jaratıw hám hár tárepleme kómek beriw - hámmemiz ushın eń baslı wazıypa bolıwı zárúr. Sonda ǵana perzentlerimiz xalqımızdıń ásirlik arzıw-úmitlerin ámelge asaratuǵın ullı hám qúdiretli kúshke aylanadı.
Sol maqsette “Jańa Ózbekstan - mektep bosaǵasınan, tálim-tárbiya sistemasınan baslanadı”, degen ideya tiykarında keń kólemli reformalardı ámelge asıramız.
Birinshiden, jas áwladqa baqsha, mektep hám joqarı oqıw ornında sapalı tálim-tárbiya beriwdi jolǵa qóyamız, olar fizikalıq hám ruwxıy jaqtan salamat, patriot insanlar bolıp er jetiwi ushın barlıq kúsh hám múmkinshiliklerdi jumsaymız.
Ekinshiden, jaslardı zamanagóy bilim hám tájiriybeler, milliy hám ulıwmaadamzatlıq qádiriyatlar tiykarında erkin hám logikalıq pikir júritetuǵın, iygilikli pazıyletler iyesi bolǵan insanlar etip er jetkizemiz.
Úshinshiden, ul-qızlarımızdı miynet bazarında talap joqarı bolǵan zamanagóy kásip-ónerlerge úyretiw, olarda isbilermenlik kónlikpeleri hám miynetkeshlik pazıyletlerin qáliplestiriw hám de baslamaların ámelge asırıw, jumıs hám turaq jay menen támiyinlewge baslı dıqqat qaratamız.
Bir sóz menen aytqanda, bala tuwılǵanınan baslap, 30 jasqa deyingi dáwirde onı hár tárepleme qollap -quwatlaytuǵın, jámiyette múnásip orın tabıwı ushın járdem beretuǵın, bir pútin hám úzliksiz sistema jaratıladı.
Dúnya tájiriybesi sonı kórsetedi, jas áwladtı hár tárepleme bárkámal etip er jetkiziw ushın sarplanǵan qarjı jámiyetke on, júz ese kóp payda keltiredi.
Ullı babamız Abu Ali ibn Sina, bunnan mıń jıl aldın “Dáwjúrek hám batır insanlar keleshekte júz beretuǵın qıyınshılıqlardan qorqpaydı”, dep biykarǵa aytpaǵan.
Házireti Imom (Xastimom) kompleksinde Islam mádeniyatı orayın quramız, dedi Shavkat Mirziyoyev. Jerleslerimiz, mámleketimizge keletuǵın miymanlar bul jerde ullı alımlarımızdıń biybaha miyrasları úlgileri menen jaqınnan tanısıw múmkinshiligine iye bolıwı kerek.