Xasanov Shermamat Raxmatullayevich

Xasanov Shermamat Raxmatullayevich

1962-yil Samarqand viloyati, Narpay tumani “Turon” MFY “Olchin” qishlog‘ida tug‘ilgan. 1989-yida Toshkent Davlat Universitetining Falsafa-iqtisod fakulteti Siyosiy iqtisod yo‘nalishini tamomlagan. 1989-yildan Nizomoy nomidagi Toshkent Davlat pedagogika institutining Navoiy filialida o‘qituvchi bo‘lib ish boshladi. Xasanov Shermamat Raxmatullayevich o‘sha davrdan boshlab kafedrada iqtisodiy fanlardan talabalarga saboq berib, shu bilan birga institutning “Tarix” fakulteti dekan muovuni, “Iqtisodiyot kafedrasi” mudiri, magistratura bo‘lim boshlig‘i, institut moliya va iqtisodiy ishlar bo‘yicha prorektor vazifalarini bajarib keldi, hamda ilmiy tadqiqot va metodik ishlar bilan shug‘ullanib ko‘plab iqtisodiy fanlar bo‘yicha o‘quv qo‘llanma, metodik tavsiyalar muallifidir. Shuningdek qator xalqaro va Respublika miqyosidagi anjumanlarda o‘z ilmiy maqolalari bilan ishtirok etib kelmoqda. Xasanov Shermamat Raxmatullayevich shu kunga qadar ko‘plab shogirdlarni etishtirdi va hozirda shogirdlari xalq xo‘jaligining turli tarmoqlarida faoliyat yuritmoqda.