Япон таоми "Gyoza"

Япон таоми "Gyoza".
Сешанба, 2009-03-31 21:21 — Masturahon

Хамирига:
- 300-400 гр ун
- 1-1,5 стакан сув
- 1 дона тухум
- Туз
Қиймасига:
- 500 гр қийма
- 1 боғ juse (ёввойи пиёз, инглизчаси "leek")
- Таъбга кўра туз ва бошқа зираворлар
Тайёрланиши:
Оддий хамир тайёрлаймиз. Хамир ўзбекча чучваранинг хамиридан. Бироз тиндиргани қўямиз.
Бу вақтда ичига соланадиган нарсаларни аралаштириб қўйсангиз бўлади. Фақат тузини хамирни ёйиб бўлгач соласиз.

	Хамирни ёямиз. Ёйилган хамирларимизни стакан ёрдамида кесиб чиқамиз.
	Қиймани ичига пиёз майдалаб туғралган. Туз қўшиш пайти келди. Туз ва бошқа зираворларни солиб яхшилаб аралаштирамиз.
	Қиймани хамирга солиб чиқамиз.
	Расмдаги каби тугиб чиқамиз. Тугиш услуби рус чучваралари услубига ўхшайди.
	Товани ёки қозонни оловга қўямиз. Тагига оз миқдорда ёғ сурамиз. Ва гиёзаларимизни расмда кўрсатилгандек териб чиқамиз. Сўнгра оловни ўртача қилиб, гиёзаларимиз устига ярим стакан сувни бир текисда қўйиб чиқамиз. Устини ёпамиз. Суви тугагунга қадар паст туради. Гиёзани ағдариб орқа томонини ҳам пишириб олишингиз мумкин.
	Тайёр. Гиёзалар қаймоқ билан дастурхонга тортилса жуда ҳам мазали бўлади. Аллоҳ барокот берсин!