Ўзбекистон Республикаси Адлия вазирлигида 2023 йил 16 январда 3416-сон билан рўйхатга олинган Тиббиёт муассасаларини моддий рағбатлантириш ва ривожлантириш жамғармаси тўғрисидаги Низомнинг ижросини таъминлаш максадида

Ўзбекистон Республикаси Адлия вазирлигида 2023 йил 16 январда 3416-сон билан рўйхатга олинган Тиббиёт муассасаларини моддий рағбатлантириш ва ривожлантириш жамғармаси тўғрисидаги Низомнинг ижросини таъминлаш максадида
Б У Ю У Р А М А Н :

1. 
   Ўзбекистон Республикаси Адлия вазирлигида 2023 йил 16 январда 3416-сон билан рўйхатга олинган Тиббиёт муассасаларини моддий рағбатлантириш ва ривожлантириш жамғармаси тўғрисидаги ижро ва маълумот учун қабул қилинсин.
   
2. 
   Тиббиёт муссасаларининг моддий рағбатлантириш ва ривожлантириш жамғармаси маблағларини тасарруф этиш учун тиббиёт бирлашмада куйидаги таркибда махсус комиссия тузилсин:
   

1. 
   Рахимов А.А.-тиббиёт бирлашма бошлигининг даволаш ишлари бўйича ўринбосари –комиссия раиси.
   
2. 
   Чориев У.А-Иктисодий ва умумий масалалар бўйича тиббиё бирлашма бошлиғи ўринбосари-аъзоси.
   
3. 
   Рўзиев И.Н-Бош ҳисобчи-аъзо.
   
4. 
   Халилов У.Ё-кадрлар бўлими мудири-аъзо.
   
5. 
   Ўринов И.Ш.- тиббиёт ходимлари касаба уюшмаси раиси-аъзо.
   
6. 
   Бешимова М.Х-иш хаки хисобчиси-аъзо.
   
7. 
   Авезов Қ.Х.-Тиббий статистика бўлими мудири- комиссия котиби.
   

3. 
   Махсус комиссия раиси А.Рахимовга:
   

Тиббиёт муассасаси ходимларига моддий рағбатлантиришнинг қуйидаги турлари қўлланилиши этиборга олинсин:
-тиббиёт муассасасининг юқори малакали, алоҳида натижага эришган, ҳалол ва виждонан ишлаётган тиббиёт ҳамда фармацевтика ходимларига ойлик лавозим маошининг 100 фоизигача ҳамда бошқа ходимларга 75 фоизигача ойлик фоизли устамалар:
-янги иш бошлаган салоҳиятли ёш шифокорларга 1 миллион сўмгача махсус ойлик устамалар;
-оилавий шифокор пунктлари, оилавий поликлиникалар ва кўп тармоқли марказий поликлиникаларда кундузги стационар иш вақтини соат 20:00 гача узайтириш ҳисобига иккинчи сменада ишловчи шифокор ҳамда ҳамшираларга лавозим маошининг 30 фоизигача ойлик қўшимча устамалар;
-тиббиёт муассасалари барча ходимларига касбий ва бошқа байрамлар муносабати билан бериладиган мукофот пуллари, шунингдек моддий ёрдам пуллари.

4. 
   Ойлик фоизли устамалар тиббиёт муасасаси ходимларини рейтинг баҳолаш тизими асосида амалга оширилади.
   

Махсус комиссия ҳар бир ходимнинг меҳнат фаолияти билан боғлиқ иш юкламаси, бажарадиган вазифасининг мураккаблиги, иш самарадорлиги, соҳага қўшган ҳиссаси ҳамда бошқа санаш ва ҳужжат билан тасдиқлаш мумкин бўлган 5 та муҳим кўрсаткичларни баҳолаш учун асос сифатида белгилайди ҳамда баҳолашда мазкур кўрсаткичларга асосланади.
Бунда, ходимларнинг меҳнатга виждонан муносабати, меҳнат фаолиятида кўрсатаётган юқори натижалари ҳамда касб этикасига риоя этиши инобатга олинади.
Махсус комиссия томонидан ҳар бир кўрсаткич 20 баллгача бўлган рейтинг тизимида баҳоланади. Ушбу кўрсаткичларнинг умумий йиғиндиси энг юқори балларда баҳоланган тақдирда 100 баллни ташкил этиши лозим.

5. 
   Ҳар чорак якуни бўйича кейинги ойнинг 5 санасига қадар хақиқатда амалга оширилган ишлар юзасидан бўлим (бўлинма) бошлиғи ҳар бир ходимнинг кўрсаткичларини белгилаб, тасдиқловчи ҳужжатлар билан бирга Махсус комиссияга кўриб чиқиш учун тақдим этади.
   

Махсус комиссия ҳар чорак якуни бўйича кейинги ойнинг 5 санасидан бошлаб 5 иш куни ичида ходимларга берилган якуний баҳони тасдиқлайди.

6. 
   Чорак якуни бўйича юқори натижага эришган ходимлар учун кейинги чорак давомида ҳар ойлик фоизли устамалар Махсус комиссиянинг тегишли қарори асосида қабул қилинган тиббиёт муассасаси раҳбарининг буйруғига мувофиқ белгиланади. Бунда, жорий йилнинг биринчи чораги учун ойлик фоизли устамалар ўтган йил тўртинчи чоракда эришилган натижалар бўйича тайинланади.
   
7. 
   Умумий 100 баллик рейтинг тизими асосида 75 баллдан 100 баллгача натижага эришган тиббиёт муассасаси ходимлари ойлик маошига қуйидаги тартибда қўшимча ойлик фоизли устамалар белгиланади:
   

а) тиббиёт ходимларига:
75 балдан 84 баллгача ойлик маошининг 50 фоизгача миқдорида;
85 балдан 94 баллгача ойлик маошининг 75 фоизгача миқдорида;
95 балдан 100 баллгача ойлик маошининг 100 фоизгача миқдорида.
б) тиббиёт ходимларидан ташқари бошқа ходимлар учун:
75 балдан 84 баллгача ойлик маошининг 25 фоизгача миқдорида;
85 балдан 94 баллгача ойлик маошининг 50 фоизгача миқдорида;
95 балдан 100 баллгача ойлик маошининг 75 фоизгача миқдорида.
Ойлик фоизли устамаларни тўлаш Низомнинг иловасига мувофиқ амалга оширилади.

8. 
   Тиббиёт муассасалари ходимларига касбий ва бошқа байрамларда бериладиган мукофот миқдори бир календарь йил мобайнида ҳар бир ходимга икки лавозим маошидан ошмаган ҳолда белгиланади.
   
9. 
   Тиббиёт муассасалари ходимларига уларнинг мурожаатига кўра ёки тегишли тиббиёт муассасаси касаба уюшмаси ташкилотининг ташаббуси билан (яқин қариндошларнинг вафот этиши, оғир жароҳатлар олиш, касал бўлиш, табиий офатлар оқибатларида) моддий ёрдам кўрсатилади. Бунда юқоридаги моддий ёрдам миқдори ҳар бир тайинланган ҳолат учун ходимнинг бир лавозим маошидан ошмаслиги лозим.
   
10. 
    Жамғарма ҳисобидан устамалар, байрамларда мукофот пуллари ва моддий ёрдам пулларини тўлаш бўйича қабул қилинган тиббиёт муассасаси раҳбарининг буйруғида ҳар бир ходим бўйича тўланиши лозим бўлган маблағларнинг аниқ миқдорлари ҳамда уларни тўлаш муддатлари кўрсатилиши лозим.
    
11. 
    Ушбу буйруқнинг назоратини ўз зиммамда қолдираман.