” 2020 yil Elektr stantsiya va podstantsiyalarni elektr asbob uskunalari fanidan Olot-2020

Оралиқ подстанцияларнинг схемалари.
Агар подстанция икки томонлама таъминланувчи линия перемичкасига уланса, унда трансформаторлар занжирига узгичлар, перемичкага эса ўчиргич ўрнатилади (11.2–расм). Нормал режимда ўчиргич Q1 уланган, таъмир перемичкаси эса ажраткич QSЗ ёки QS4 билан узилган бўлади.



11.2–расм. Перемичкасида ўчиргичи бор оралиқ подстанция схемаси
Т1 бузилса, QN1 уланади, Q1, сўнгра таянч подстанция А даги Q2 узилади. Узгич QN1 токсиз танаффус (пауза) да узилади,сўнгра Q1 ва Q2 уланади. Қувват ўтиши бузилмайди, трансформатор узилган бўлади.
Линиялардан бири, масалан W2 бузилса Q1, сўнгра таянч подстанция Б даги QЗ узилади. Агар линиянинг АПВ си муваффақиятсиз чиқса, Q5 узилади ва РАВ нинг таъсирида ўчиргич QВ уланади. Шундай қилиб, истеъмолчиларни ток билан таъминлаш бузилмайди.
Оралиқ подстанцияларда ўчиргичли кўприкча схемаларни қўллаш ҳам мумкин (11.3–расмга қаранг). 220–330 кВ ли тармоқларда, шунингдек, янада юқори ишончлилик ва оператив мослашувчанликни таъминлайдиган ҳалқасимон схемалар қўлланилади. 11.4–расм, а даги схемадан фарқли ўлароқ, трансформатор (автотрансформатор) лар тўртбурчак учларига узгичлар орқали уланади (11.4–расм): АТ1 W2 ли блокка, АТ2 W4 ли блокка уланади. W1, W4 линиялар радиал, W2, WЗ линиялар транзит линиялардир.
Линия занжирларига дистанцион юритмали ажраткич ва узгичлар ўрнатилиши мумкин. Бу бузилган линия узилгандан сўнг 220–330 кВ ли томондаги схеманинг ишини тиклаш имкониятини беради.


11.3–расм. Юклама ўчиргичли ўтказувчи подстанциялар схемалари:
а–ВНЭ I ли: 6–ВНЭ II ва ВНЭ III ли.


11.4–расм. Кенгайтирилган тўртбурчаклик схемаси.



Қувватли узлавий подстанциянинг схемаси
Узлавий подстанцияларнинг 30–750 кВ ли шиналари энергетик тизимнинг айрим қисмларини ёки икки тизимини бир–бири билан боғлайди, шунинг учун бу схемаларнинг ВН томонининг ишончлилиги бўйича юқори талаблар қўйилади. Одатда, бу ҳолда линияларни кўп марта бириктириш схемалари қўлланилади: ҳалқасимон схемалар, бир занжирга 3/2 ўчиргичли схемалар ва шиналар–трансформатор схемаси қўлланилади.
11.5–расмда қувватли узлавий подстанциянинг схемаси кўрсатилган. 330–500 кВ ли томонга шиналар–автотрансформатор схемаси қўлланган. Ҳар қайси линиянинг занжирида–иккитадан ўчиргичлар бўлиб, шиналарга автотрансформаторлар ўчиргичсиз уланади (дистанцион юритмали ажраткичлар ёки узгичлар ўрнатилади). АТ1 узилганда 1СШ га уланган ҳамма ўчиргичлар узилиб, бунда 330–500 кВ ли линия ишлашда давом этади. АТ1 узилгандан сўнг ҳамма томондаги ажраткич QS1 дистанцион (масофадан) узилади сўнгра ҳамма 1СШ ўчиргичлари уланиб, юқори кучланиш томонидаги схема тикланади.
330–500 кВ ли линияларнинг сонига қараб, ҳалқасимон ёки бир занжирга 3/2 ўчиргичли схемани қўллаш мумкин.
Қувватли подстанцияларнинг 110–220 кВ ли ўртача кучланишли томонида якка линиялар сони олтитагача, параллелларники эса ўнтагача бўлганда битта иш шинаси ва айланиб ўтувчи шинаси бор схемаси қўлланилади. Линиялар сони кўп бўлса, иккита иш шинаси ва айланиб ўтувчи СШ ли шиналари бор схема қўлланилади.
НН томонидаги схемани танлашда, биринчи навбатта қ.т. токини чеклаш масаласи ҳал қилинади. Шу мақсадда U_к миқдори оширилган, НН чўлғами ажратилган трансформатор қўллаш ёки трансформатор занжирига реактор ўрнатиш мумкин.11.5–расмдаги схемада НН томонига қўш реакторлар ўрнатилган. Ишга туширувчи реакторли синхрон компенсатор (СК) лар автотрансформаторлар НН нинг қисқичига бевосита уланган. 6–10 кВ ли линияларга қувватли СК ни улаш қ.т. токларининг ҳаддан ташқари ортишига олиб келади.


НАЗОРАТ САВОЛЛАРИ