0Ўзбекистон Республикаси Олий ва ўрта махсус таълим вазирлиги

147-масала. Буғдой ўсимлигининг дон ранги бўйича фарқланувчи намуналарини чатиштиришдан олинган натижаларни генетик жиҳатдан изоҳланг:
1. Р қизил донли х оқ донли
F₁ 3/4 қизил донли : 1/4 оқ донли
2. Р қизил донли х қизил донли
F₁ 7/8 қизил донли : 1/8 оқ донли.


148-масала*. Жағ-жағ ўсимлигида мевасининг шакли учбурчаксимон ва тухумсимон бўлади. Учбурчаксимон мевали ўсимликлар тухумсимон мевали ўсимликлар билан чатиштирилганда, F₁ да олинган ўсимликларнинг ҳаммаси учбурчаксимон мевали бўлган. F₂ да эса олинган ўсимликларнинг 15/16 қисми учбурчаксимон мевали ва 1/16 қисми тухумсимон мевали бўлган. Ўрганилаётган белгининг ирсийланишини тушунтириб беринг. F₁ да олинган ўсимликларни тухумсимон мевали ўсимликлар билан қайта чатиштирилса, кейинги авлодда қандай мевали ўсимликлар олиш мумкин?
Масаланинг ечилиши:
Учбурчаксимон мевали ўсимликлар тухумсимон мевали ўсимликлар билан чатиштирилганда F₁ да учбурчаксимон мевали ўсимликларнинг олиниши, меванинг учбурчаксимон шакли тухумсимон шакли устидан доминантлик қилишини кўрсатади. F₂ да 15:1 нисбатда ажралиш кетиши эса F₁ ўсимликларининг дигетерозиготалилигидан далолат беради. Шунга кўра, ўрганилаётган белгининг ирсийланишини қуйидагича изоҳлаш мумкин:
учбурчаксимон тухумсимон
P ♀ A₁A₁A₂A₂ X ♂ a₁a₁a₂a₂
F₁ A₁a₁A₂a₂ - учбурчаксимон

учбурчаксимон учбурчаксимон

P ♀ A₁a₁A₂a₂ X ♂ A₁a₁A₂a₂
g A₁A₂, A₁a₂, a₁A₂, a₁a₂ A₁A₂, A₁a₂, a₁A₂, a₁a₂
F ₂ 1. A₁A₁A₂A₂ - 1 учбурчаксимон
2. A₁A₁A₂a₂ - 2 учбурчаксимон
3. A₁a₁A₂A₂ - 2 учбурчаксимон
4. A₁a₁A₂a₂ - 4 учбурчаксимон 15 учбурчаксимон
5. A₁A₁a₂a₂ - 1 учбурчаксимон
6. A₁a₁a₂a₂ - 2 учбурчаксимон
7. a₁a₁A₂A₂ - 1 учбурчаксимон
8. a₁a₁A₂a₂ - 2 учбурчаксимон
9. a₁a₁a₂a₂ - 1 тухумсимон 1 тухумсимон
Жағ-жағ ўсимлигида мевасининг учбурчаксимон шаклда бўлиши аллел бўлмаган доминант генларнинг ўзаро таъсирига боғлиқ. Мева учбурчаксимон бўлиши учун генотипда шу доминант генлардан биттаси бўлса кифоя.
F₁ ўсимликлари тухумсимон мевали ўсимликлар билан чатиштирилса, қуйидаги натижани олиш мумкин:
учбурчаксимон тухумсимон
P ♀ A₁a₁A₂a₂ X ♂ a₁a₁a₂a₂
F_B A₁a₁A₂a₂ , A₁a₁a₂a₂ , a₁a₁A₂a₂ , a₁a₁a₂a₂
3 учбурчаксимон 1 тухумсимон