1 – tema. Procentler Ápiwayı procentler Quramalı procentler

Shınıǵıwlar


1. a) 3 000 funt sterling jıllıq procent stavkası 7% boyınsha 3 jılǵa qarızǵa alınsa;
b) 6 100 AQSh dolları jıllıq procent stavkası 5,9% boyınsha 15 ayǵa qarızǵa alınsa;
c)800 000 Yaponiya enası jıllıq procent stavkası 6,5% boyınsha 4 jıl 7 ayǵa qarızǵa alınsa;
d) 250 000 evro jıllıq procent stavkası 4,8% boyınsha 134 kúnge qarızǵa alınsa;
kreditorǵa tólenetuǵın procent tólemin tabıń.
2. 130 000 AQSh dolları qarızǵa berilgen bolsa, kreditor qaysı hallarda kóbirek dáramat aladı: jıllıq procent stavkası 7% boyınsha 5 jılǵa, yaki jıllıq procent stavkası 7,7% boyınsha 5,5 jılǵa belgilengende me?
3. Kreditor tárepinen procent stavkası hár jılǵa 7% dep belgilengen. Tádbirkar (is bilermen) 5 jıl ishinde alınǵan qarızdı hám procent tólemine qosımsha 910 AQSh dolların tóledi hám qarızdan qutıldı. Tádbirkar (is bilermen) qansha muǵdarda qarız alǵan?
4. Jıllı procent stavkası 8% dep belgilengen. 3 jıl ishinde procent tólemine qosımsha 3 456 funt sterling tólengen bolsa, qansha muǵdarda qarız alınǵan?
5. Investor 21 ayda 2 300 evro dáramat almaqshı. Hár jılǵı procent stavkası 6,5% dep belgilengen bolsa, investor qansha muǵdarda investiciya kirgiziwi lazım?
6. a) Kreditor 4 500 AQSh dolları muǵdarında qarız berip, 3 jılda 900 AQSh dollarına teń dáramat aldı. Jıllıq procent stavkası neshege teń?
b) Kreditor 170 000 Yaponiya enası muǵdarında qarız berip, 2 jılda 170 000 Yaponiya enasına teń dáramat aldı. Jıllıq procent stavkası neshege teń?
7. 8 ay dawamında 9 000 AQSh dolları muǵdarında qarız alınıp, qarızdan basqa (tısqarı) qosımsha 700 AQSh dolları tólendi. Jıllıq procent stavkası neshege teń?
8. Puqara 26 million sum bankke qoyıp, onıń esabında 18 ayda 32 million sum bolǵan anıqlandı. Jıllıq procent stavkası neshege teń?
9. a) Kreditor 20 000 AQSh dolları qarız berip, 5 000 AQSh dollarına teń dáramat aldı. Jıllıq procent stavkası 7% bolsa, qarız neshe jılǵa alınǵan?
b) Kreditor 1 200 evro muǵdarında qarız berip 487 evro dáramat aldı. Jıllıq procent stavkası 6,75% bolsa, qarız neshe jılǵa alınǵan?
10. Kliyent bankke 9 400 funt sterlingdi jıllıq procent stavkası 6,75% penen qoydı. 1 800 funt sterling dáramat alıw ushın qansha waqıt kerek?
11. Eger:
a) 4 500 evro qarız jıllıq quramalı procent stavkası 7% penen 3 jılda tólew shárti menen;
b) 6 000 AQSh dolları qarız jıllıq quramalı procent stavkası 5% penen 4 jılda tólew shárti menen;
c) 7 400 funt sterling muǵdarında qarız jıllıq quramalı procent stavkası 6,5% penen 3 jılda tólew shárti menem alınǵan bolsa, juwmaqlawshı (aqırǵı) balanstı esaplań.