1. Akfa kompaniyasining kelib chiqish tarixi Akfa haqida umumiy ma’lumotlar

Kirish
1.Akfa kompaniyasining kelib chiqish tarixi

2.Akfa haqida umumiy ma’lumotlar
3.Akfa serialari haqida ma’lumot
4.Gost talablari
Xulosa

Kirish
Yillar davomida AKFA o'zini ishonchli va mas'uliyatli ishlab chiqaruvchi sifatida namoyon etib, uning mahsulotlariga ishonch hosil qilishingiz mumkinligini ko’rsatdi. Bugungi kunda korxona Markaziy Osiyodagi eng yirik avtomatlashtirilgan ishlab chiqarish zavodlaridan biriga ega
AKFa kompaniyasi o’z oldiga quyidagi maqsadlarni quydi: hayot tarzini yaxshilash, unga qulaylik va afzallikni olib keluvchi yangi standart va yo‘nalishlarni yaratish. Mamlakat sanoatini rivojlantirish hamda o‘z maqsadlarimizga erishish va zimmamizdagi burchni ado etish yo‘lidagi bosilgan har bir taraqqiyot qadamlari uchun mas’ul bo‘lish. Biznesni yuritish va o‘zaro hamkorlik olib borishning an’anaviy uslublarini o‘zgartirish va ishga yangicha yondashishni tatbiq etish. Mijozlarimiz e’tiborini qozonish, xodimlarimiz va hamkorlarimiz manfaatlarini himoya qilish va jamiyat taraqqiyoti yo‘lida kompaniya samaradorligini doimo oshirib borish.

1.Akfa kompaniyasining kelib chiqish tarixi
Taxminan yuz yillarcha avval rus arbobi Nikolay Chernishevskiy alyuminiy haqida gapirib, uni yorqin va buyuk kelajak kutayogani va insonlarga ulkan foyda keltirishini aytgan edi. Haqiqatan ham XX asrga kelib alyuminiy ko’plab konstruktiv materiallarning asosiga aylandi.
Keling, endi alyuminiyning bir yarim asrlik tarixiga ega bo’lgan ishlab chiqarish dinamikasi bilan tanishsak.
Birinchi o’ttiz yillik uchun (1825-1855yy) aniq raqamlar mavjud emas. Ushbu davrda sanoatda alyuminiy olishning imkoni bo’lmay, faqat laboratoriyalarda grammlab, eng omadli holatlarda esa kilogrammlab olingan. 1855 yilda Butunjahon Parij ko’rgazmasida namoyish qilingan alyuminiy parchasiga yig’ilganlar eng noyob qimmatbaho metal sifatida e’tibor qaratishgan. Aynan o’sha yilda fransuz kimyogari Anri Et’yen Sent Kler Devil alyuminiyni ajratib olishning yangi usulini ishlab chiqdi. Unga ko’ra 13 raqamli element xlorid natriy va alyuminiydan tarkib topgan metalsimon natriyni ajratishdan hosil qilinadi.
Shundan so’ng 36 yil davomida (1855-1890yy) ushbu olimning usuli orqali 200 tonna metal alyuminiy olingan.
XIX asrning so’nggi o’n yilligida endi yangi usulni qo’llagan ravishda 28 ming tonna alyuminiy hosil qilinga
1930 yilga kelib ushbu metalning butunjahon ko’rsatkichi – 300 ming tonnani tashkil qiladi.

1975 yilda faqat kapitalistik mamlakatlarda 10 mln. tonna alyuminiy eritildi. Lekin bu eng yuqori ko’rsatkich emas, albatta. AQSHning “Engeneering and mining journal” ma’lumotlari bo’yicha alyuminiy ishlab chiqarish kapitalistik mamlakatlarda 1975 yilda undan avvalgi yilga qaraganda 11%ga qisqargan.

Endi alyuminiyning qiymati haqida so’z yuritsak. Uning narx ko’rsatkichlari ham tarixi singari juda qiziqarli. 1825 yilda u temir narxidan 1500 baravar ko’p bo’lgan, bugungi kunda esa bor-yo’g’ 3 baravar qimmat xolos. Hozirda alyuminiy uglerodli po’latdan qimmatroq, biroq zanglamaydigan po’latdan arzon. Agarda alyumin va po’lat mahsulotlarni ularning og’irligi hamda zanglanishga qarshi chidamliligi bo’yicha olib ko’radigan bo’lsak, ayni davrda po’latga qaraganda alyuminiyni qo’llash anchayin foydaliroq ekani ma’lum bo’ladi.