1– амалий машғулот электротермик қурилмалар. Уларда қиздириш режимлари, қурилма ясси деворларида иссиқлик исрофини хисоблаш

Мустақил ечиш учун масала

Шахта типидаги печни ўрнатилган қуввати ва солиштирма электр энергия сарфи аниқлансин. Печни ишлаш режими бир мартали.

Берилганлар: W_фой= 10000 кВт•с- 60 тонна юкни қизитиш учун кетган фойдали иссиқлик энергия; W_ёр= 198 кВт•с- иссиққа чидамли муфельни қизитиш учун кетган иссиқлик энергияси; W_ак= 2200 кВт•с- футеровкани қизитиш учун кетган иссиқлик энергия; W_иср = 28 кВт•с –иссиқлик исрофи; τ_қиз= 27 с– берилган хароратгача юкни қиздириш вақти; τ_уш= 3 с– шахта остида юкни ушлаш вақти.


Тавсия этилган адабиётлар
1. Кацевич Л.С. “Теория теплопередачи и тепловые расчеты электрических печей” М.: Энергия. 1977
2. Болотов А., Шепель Г.”Электротехнологические установки”.М.: Высшая школа, 1988.
3.Свенчанский А.Д. “Электрические промышленные печи”. Ч-I. М.: Энергия. 1977.
4.Джурабаев М., Матбабаев М.М., Мамадалиева Л.К. “Электротехнология асослари, қурилмалар ва тизимлар” Фарғона. 2011.

4– АМАЛИЙ МАШҒУЛОТ


Электр ёй печини эритиш жараёнида ажралиб чиқаётган иссиқлик қувватини хисоблаш

Пўлат эритувчи ёй печи даврий таъсирга эга печ хисобланиб, хар хил эритиш даврида қувват истеъмоли турлича бўлади. Бундай печларда эритиш жараёни турлича характерланади:
1) эритиш жараёни;
2) оксидланиш жараёни;
3) металлни тозалаш жараёни;
4) эриш оралиғидаги давр.


Металл ва шлакларни қизитиш ва эритиш учун сарфланган фойдали энергияни аниқлаш

1 кг металлни ва шлакни берилган хароратда қизитиш, эритиш ва ўта қизитиш учун керак бўлган солиштирма энергия қуйидаги формула орқали аниқланади:

ω₀= с₁(t_эр- t₀)+ λ+ с₂ (t_{ўта.қиз}- t_эр) (10.1)
бу ерда: с₁- бошланғич хароратда эритиш хароратигача бўлган оралиқдаги метални ўртача солиштирма иссиқлик сиғими; t_эр- эритиш харорати; t₀- бошланғич харорат; λ- эритиш иссиқлиги; с₁- эритишдан ўта қизитишгача бўлган оралиқда суюқ металлнинг ўртача солиштирма иссиқлик сиғими; t_{ўта.қиз}- берилган ўта қизитиш харорати.
Металлни эритиш, қизитиш ва ўта қизитиш учун керак бўлган солиштирма иссиқлик сиғимларини тажрибаларда қуйидагича қабул қилинади. Агар t_эр= 1510⁰С атрофида бўлса, с₁= 0,194 Втс/кг⁰С олинади. Агар t₀= 10⁰С атрофида бўлса, с₂= 0,232 Втс/кг⁰С олинади, λ_м= 79 Втс/кг олинади. Хисобларда шлакли металларни эритилаётган бўлса, унинг ўртача солиштирма иссиқлик сиғими қуйидагича қабул қилинган: с_шл= 0,34 Втс/кг⁰С, λ_шл= 58 Втс/кг.
Металларни ёй печларда қизитиш ва эритиш жараёнида маълум бир миқдорда куйиндилар хосил бўлади. Одатда куйинди юкланган металларни 5-6 % ини ташкил этади. Шунинг учун керакли миқдорда суюқ металл олиш учун катта миқдорда скрапни юкланади.
(10.2)
бу ерда: G_юкл- печга юкланган скрап, G_с- олинадиган суюқ металл оғирлиги, К_уг- куюнди оғирлиги, %.
Тажрибаларда йўқотишларни хисобга олган холда суюқ металл оғирлигини ортиқча коэффициент К билан олиш мумкин, албатта юкланаётган скрап миқдори хам хисобга олинади.
G_юкл= G_с• K= G_с (1+ К_уг/100%). (10.3)