1-amaliy mashg‘ulot Mavzu: Avtomobil yo‘llarining elementlari

Xozirgi kunda respublika avtomobil yo‘llarining umumiy uzunligi 184 ming km ni tashkil etadi.



Umumiy foydalanishdagi avtomobil yo‘llarining toifasi bo‘yicha taqsimlanishi.
Avtomobil yo‘llari qo‘mitasida 2020 yil investitsiyalar to‘g‘risida ma’lumotlar.


Yo‘llarni ta’mirlash masalasi
1. Umumiy foydalanishdagi avtomobil yo‘llari bo‘yicha.
Umumiy foydalanishdagi avtomobil yo‘llarini ta’mirlash ishlarini amalga oshirish masalalari avtomobil yo‘llarini joriy ta’mirlash va saqlash ishlari uchun tasdiqlangan xarajatlar smetalari doirasida tegishli viloyat hududiy yo‘l tashkilotlari tomonidan amalga oshiriladi.
2. Ichki xo‘jalik yo‘llari va ko‘chalar bo‘yicha.
O‘zbekiston Respublikasi Prezidentining 2017 yil 14 fevraldagi “2016-2017 yillarda mintaqaviy avtomobil yo‘llarini rivojlantirish dasturi to‘g‘risida”gi PQ-2775 – sonli qaroriga asosan ichki xo‘jalik yo‘llari, shahar va shahar tipidagi posyolka ko‘chalarini bosqichma-bosqich ta’mirlash ishlarining tumanlar kesimidagi parametrlari belgilanganligi va ushbu ta’mirlash ishlarining manziliy ro‘yxatlarini joylardagi mahalliy hokimliklar va ularning tegishli bo‘linmalari tomonidan shakllantiriladi va tasdiqlangan manzilliy ro‘yxatlarga asosan O‘zbekiston Respublikasi avtomobil yo‘llari Davlat qo‘mitasining joylardagi yo‘l korxonalari tomonidan ta’mirlash ishlari bajariladi.
Avtoyo’llarni kengaytirish va yo‘l qurib berish masalasi Umumfoydalanuvdagi avtomobil yo‘llarini qurish, rekonstruksiya qilish Investitsiya dasturiga asosan amalga oshirilishi, Investitsiya dasturi shakllantirilishida inobatga olinib, yo‘lni kengaytirish (rekonstruksiya) bo‘yicha takliflar Iqtisodiyot vazirligi, Moliya vazirligi va boshqa vazirlik va idoralarga kiritiladi. Yo’llarga chiroq o`rnatish masalasi;
Agar yo‘l shahar yoki tuman hokimligi tasarrufida ekanligi ma’lum bo‘lsa, O‘zbekiston Respublikasining “Avtomobil yo‘llari to‘g‘risida”gi Qonunining 7 va 13-moddalariga asoslanib tegishli tuman yoki shahar hokimligi tomonidan ko‘rib chiqiladi.
Agar yo‘l umumiy foydalanishdagi avtomobil yo‘llari ro‘yxatida ekanligi aniqlansa, Avtomobil yo‘llari davlat qo‘mitasi tomonidan chiroq o‘rnatish ishlarini joriy yil yoki kelgusi yil dasturlariga kiritish masalasi ko‘rib chiqiladi.

Nazorat savollar.
1. Yo’l qoplamasi nima?
2. O‘zbekistondagi jami avtomobil yo‘llari qancha?
3. Umumfoydalanuvdagi avtomobil yo‘llari deganda nimani tushunasiz?