1 amaliy mashg’ulot Mavzu: Dorivor o’simlik xom ashyosini tahlil qilish usullari. Ishning maqsadi
Download 27.21 Kb. Pdf ko'rish
|
1 2
Bog'liq4 kurs BFM 1 amaliy mashg’ulot
1 amaliy mashg’ulot Mavzu: Dorivor o’simlik xom ashyosini tahlil qilish usullari. Ishning maqsadi: Dorivor o'simliklar xomashyosi va ulardan olinadigan dorivor preparatlar respublikamiz aholisini dori-darmonlar bilan ta’minlashda salmoqli o'rin egallaydi. Barcha dorivor o'simliklar tarkibida turli xil birikmalar mavjud. Ularning ba’zilari barcha o'simliklarga xos bo'lsa, ayrimlari maxsus o‘simliklardagina uchraydi. Bu birikmalarning hammasi ta’sir etuvchi moddalar, ya’ni xomashyo tarkibidagi asosiy ta’sir etuvchi moddalar deb ataladi. Bu moddalar ayrim o'simliklarga xos alkoloidlar, efir moylari, vitaminlar va boshqalardan iborat. O'simliklar hujayrasida to‘xtovsiz ravishda biokimyoviy o'zgarishlar yuz berib turadi. Bunday o‘zgarishlar natijasida vujudga kelgan biologik faol moddalar ma’lum vaqt va sharoitda turli o‘zgarishlarga uchraydi. Natijada ular boshqa birikmalarga aylanadi: murakkab molekulali moddalaming sintezida ishtirok etadi, yoki o‘zidan energiya chiqarib, oddiy birikmalarga parchalanib ketadi. Parchalanib ketgan biologik faol moddalar o'rniga yangisi vujudga keladi. Bular biokimyoviy jarayonlarda faol qatnashadi. Shuning uchun bu moddalar uzluksiz ravishda o‘zgarishda bo'ladi, ya’ni ma’lum bir vaqtda vujudga keladi, miqdori esa oshadi, yoki kamayadi, yoxud boshqa birikmalarga aylanadi. O‘simlik hujayrasida uzluksiz ravishda bo'lib turadigan o‘zgarishlarga o‘simlikning yosh yoki qariligi, o'sish (vegetatsiya) davri, tashqi muhit (o‘sish joyi namlik miqdori, tuproqning tarkibi, iqlim va boshqalar) katta ta’sir ko‘rsatadi. Shuning uchun bir turdagi o'simlik tarkibida uning o'sishi uchun kerakli sharoitga qarab, turli miqdorda biologik faol moddalar to'planishi mumkin. Biologik faol moddalar o'simlikning yer ustki qismiga, masalan, poya, barg, gullarida, asosan gullash davrida, yer ostki qismilarida, vegetatsiya davri oxirlarida (ko'pincha kech kuzda) maksimal miqdorda to'planadi. Ba’zi dorivor o'simliklar tarkibida asosiy biologik faol moddalarning maksimal miqdorda to'planishi yuqorida aytib o'tilgan davrga to'g'ri kelmasligi mumkin. Bugungi kunda dorivor o'simliklarning bir nechta guruhi mavjud: Rasmiy dorivor o'simliklar- respublikada ishlab chiqarishga ruxsat berilgan xom ashyo. Alternativ tibbiyotning shifobaxsh o'simliklari (folklor) - keng miqdordagi o'simliklar, ammo ularning foydali xususiyatlari kam tushuniladi va samarasiz hisoblanadi. Ammo, shunga qaramasdan, bu dorilar "xalq orasida" keng qo'llaniladi. Farmakopeya shifobaxsh o'simliklar - bu guruh Davlat Farmakopeyada mavjud bo'lgan sifat standartlariga ega o'simliklarni o'z ichiga oladi. Har qanday dorivor o'simlikda dorivor xususiyatlarga ega bo'lgan kamida bitta modda mavjud. Odatda bu modda o'simlik bo'ylab tarqalib ketmaydi va faqat uning o'ziga xos qismida joylashgan. Shundan kelib chiqqan holda, dorivor o'simliklar yig'ilganda, siz ushbu modda to'plangan joyni aniq bilishingiz kerak (ildiz, gullar, barglar). Ichki foydalanish uchun: infuziya (suv yoki spirtli ichimliklarni yog'i), chig'anoq. Tashqi makon uchun losonlar, kompresslar, o'simlik vannalar ma'qul. Ba’zi bir alkaloidlar o'simlikni ildiz otib, ko'karib, bargi chiqayotgan davrda maksimal miqdorda to'planib, so'ngra asta-sekin kamayib, o'simlikning gullash davrida boshqa birikmalarga aylanib qoladi. Bunday o'zgarishlar faqat alkaloidlargagina xos bo'lmay, balki boshqa biologik faol moddalarda ham yuz berishi mumkin. Dorivor o'simliklarni tarkibida asosiy ta’sir etuvchi moddalar maksimal miqdorda to‘plangan vaqtdagina ularni xomashyo sifatida tayyorlash mumkin. Yuqorida aytib o'tilgan shart-sharoitlarni hisobga olgan holda tayyorlangan dorivor mahsulot yuqori sifatli va tarkibi kerakli moddalarga boy bo‘ladi. Biologik faol moddalar har xil ko'rinishda bo'ladi, ayrimlari hatto tayyor holda ham bo'lishi mumkin, lekin bu kabilar juda kam uchraydi. Ko'pincha ular yot moddalar bilan birga bo'ladi. Shuning uchun ulami tozalash kerak. Biologik faol moddalarning saqlashni biotexnologiyada ahamiyati katta, chunki tayyor bo'lgan moddani kerakli vaqtgacha saqlab, so'ng ishlatish uchun olish mumkin, ya’ni ularni quritib, turli formalarga o'tkazib, namligini chiqarib, xohlagancha saqlash mumkin. Download 27.21 Kb. Do'stlaringiz bilan baham: |
1 2
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling