Laboratoriya jumisi №9
Tema: Adrenalin gormonina tán reaksiyalar, yod hám temir xlorid penen reaksiyasi. Insulin gormonina tán reaksiyalar.
Adrenalinniń yod penen reaksiyasi
Jumis tar’tibi: Probirkaǵa 3 ml adrenalinniń suwdaǵi eritpesinen salinip, ustine 3-4 tamshi yodtiń 0,1 n eritpesinen tamiziladi. Probirkadaǵi aralaspa jaqsi shayqatilip, spirtovka jalininda áste aqirin qizdiriladi. Bul waqitta probirkadaǵi aralaspa aldin kók keyin qizil reńge boyaladi. Bul prosess adrenalin yod tásirinde oksidlengenliginen derek beredi.
Adrenalinniń temir xloridi menen reaksiyasi
Jumis tártibi: Probirkaǵa 2-3 ml adrenalinniń suwdaǵi eritpesinen hám oniń ustine 1 ml temir xloridtiń 3% li eritpesinen salinadi. Aralaspa biraz shayqatiladi. Keyin probirkadaǵi aralaspa katexinlarǵa tán bolǵan sari reńge boyaladi. Oniń ustine biraz silti salinsa probirkadaǵi sari reńli eritpe qizǵish reńge óte baslaydi. Bul prosessler aralaspa quraminda adrenalin bar ekenliginen derek beredi.
Do'stlaringiz bilan baham: |
