1. Berilgenlerdi approksimaciyalawdıń túrleri. Mathcadta interpolyaciyalaw hám onıń túrleri

Polinomial regressiya

Polinomial regressiya (xi, yi) berilgenlerdi k-dárejeli polinom menen juwıqlastırıwdı ańlatadı. k=1 bolǵanda polinom tuwrı sızıq, k=2 bolǵanda – parabola, k=3 bolǵanda – kublıq parabola hám t.b.

Polinomial regressiyanı dúziw ushın eń keminde (k+1) berilgen noqatlardiń bar bolıwı zárúr.

Mathcadta polinomial regressiya regress ishki funkciya hám polinomial interpolyaciyanıń kombinaciyası arqalı ámelge asırıladı.

• 
  regress(x,y,k) – berilgenlerdiń polinomial regressiyasın dúziw ushın koefficientlerdiń vektorı;
  
• 
  interp(s,x,y,t) - Polinomial regressiyanıń nátiyjesi;
  
• 
  s=regress(x,y,k);
  
• 
  x – elemetleri όsiw tártibinde jaylasqan, argumenttiń berilgen haqıyqıy mánisleriniń vektorı;
  
• 
  y – sol όlshemdegi haqıyqıy berilgenlerdiń vektorı;
  
• 
  k – regressiya polinomınıń dárejesi (pútin oń san);
  
• 
  t - regressiya polinomınıń argumentiniń mánisi.