6. Lingvistik metod badiiy asar tilini tekshiradigan metod sifatida
Lingvistik metod tabiati. Badiiy asar tilini tekshiradigan metod tabiatan tilshunoslik fani bilan bog‘liq ekanligi; dunyo adabiyotshunosligida bu metoddan unumli foydalanish; adabiyotshunoslikda badiiy til va poetik nutq muammosi; badiiy asarning immanent tahlili va lingvistik metod masalasi; o‘zbek adabiyotshunosligida shu yo‘nalishda yozilgan ilmiy asarlar tavsifi.
7. Germenevtik metod va uning o‘ziga xos xususiyatlari.
Germenevtik metod imkoniyatlari. Badiiy asar retsepsiyasi; adabiy matnga yondashuv usuli; adabiy obyektga tarixiy, milliy, umuminsoniy nuqtai nazardan yondashuv masalasi. Germenevtikaning yetakchi tamoyillari: o‘zaro muloqot tamoyili, emotsionallik tamoyili, kontekstual(matniy) va madaniy, tarixiy, milliy an’analar tamoyili, yaxlitlik tamoyili, shakl va mazmun birligi tamoyili.
8. Eng qadimgi davrlardan XIV asrgacha bo‘lgan adabiyotning ilmiy o‘rganish bosqichlari va yechimini kutayotgan muammolar.
Islomgacha bo‘lgan davr adabiyoti, yozma yodgorliklar, qadimgi yodgorliklarning yozuv xususiyatlari, Islom madaniyatining shakllanishi va ilk musulmon Uyg‘onish (Renessansi) davri, G‘aznaviylar va Qoraxoniylar davri adabiyoti, Oltin O‘rda o‘zbek adabiyotining asosiy xususiyatlarining mamlakatimiz va xorijda o‘rganilishi: yutuqlar va muammolar. Bu davr adabiyotini tadqiq etishning bosqichlari. Har bir bosqichning o‘ziga xos xususiyatlari, ilmiy muammolari namoyandalari. Mustaqillik davri adabiyotshunosligida mumtoz adabiyotga munosabat: tamoyillar va tendensiyalar.
9. Temuriylar davri adabiyotining adabiyotshunoslikda o‘rganilishi
Temuriylar davri adabiyotida badiiy ijod sohasida turli yo‘nalishlarning vujudga kelishi, adabiy-estetik qarashlarning tadrijiy takomili, adabiy tur va janrlar poetikasi, individual ijodiy uslub muammosi masalalarining adabiyotshunoslikda tadqiq etilishi. Ushbu davrda faoliyat ko‘rsatgan yirik shoir va adiblar -Haydar Xorazmiy, Atoyi, Sakkokiy, Lutfiy, Husayniy, Bobur hayoti va adabiy merosining o‘rganilishida erishilgan yutuqlar va yechimini kutayotgan ilmiy muammolar.
Do'stlaringiz bilan baham: |
