1. Fundamentalizmnin` payda boliwi

2. Ekstremizmdi keltirip shig`ariwshi faktorlar. Ko`pshilik jag`dayda diniy fundamentalizm ta`repdarlari diniy ekstremizm menen birigip ketedi. «Ekstremum» latinsha «ekstremus» so`zinen shig`ip, so`zbe-so`z ma`nisi, aqirg`i shegine jetken, Xa`dden tisqari ketiwshilik degendi an`latadi. Bunday waqiya ja`miyetlik turmistin` biraz tarawlarinda ushirasadi. Ekstremizm jemiyettegi qabil etilgen xa`r qanday siyasiy, xuqiqliq xa`m moralliq sheklerdi moyinlamay,xa`dden tisqari ketiwshi ko`z qaraslar menen xa`reketlerdi an`latadi. Diniy ekstremizm diniy sho`lkemlerdegi, birlespelerdegi asa ketken fanatik elementlerdin` ideologiyasi menen iskerligi bolip tabiladi. Olar basqa dinlerge iseniwshilerdin` diniy sezimlerin masqaralap, qorlawg`a uriniwshilig`i menen sheklenbesten, o`zlerinin` ag`za bolg`an diniy sho`lkemlerdegi basqasha pikir bildirgen adamlardi da dinnin` dushpani dep ja`riyalap kelispewshiliklerdi payda etedi. Diniy ekstremistler o`zlerine qolayli payitta ja`miyette gezlestiretug`in ekonomikaliq, siyasiy x.t.b. qiyinshiliqlardi o`zlerinin` qara niyetlerin iske asiriwg`a paydalanip, dinge iseniwshilerdi puqaraliq ma`mlekettin` alip baratirg`an siyasatina qarsi qoyip xukimetti o`z qollarina aliw ushin siyasiy ma`plerine paydalaniwg`a urinadi.