1-ilova o‘zbekiston respublikasi maktabgacha ta’lim vazirligi

5-ilova. Bolalarni boshlang‘ich ta’limga majburiy bir yillik tayyorlash bo‘yicha pilot guruhlarini tashkil etish tartibi haqidagi Nizom

2018 yil 8 dekabrь, 999-sonli Vazirlar Mahkamasining qaroriga

3-ilova

Bolalarni boshlang‘ich ta’limga majburiy bepul bir yillik tayyorlash bo‘yicha pilot guruhlar faoliyatini tashkil etish tartibi to‘g‘risida

NIZOM

1-bob. Umumiy qoidalar

1. Ushbu Nizom bolalarni boshlang‘ich ta’limga majburiy bepul bir yillik tayyorlash bo‘yicha pilot guruhlar faoliyatini (bundan buyon matnda maktabgacha yoshdagi guruhlar deb yuritiladi) tashkil etish tartibini belgilaydi.

2. Maktabgacha ta’lim guruhlari maktabgacha ta’lim tashkilotlariga bormaydigan bolalarga maktabgacha ta’lim va tarbiya olishlarida yordam berish va buning uchun zarur shart-sharoitlarni yaratish maqsadida tashkil etiladi.

3. Maktabgacha yoshdagi guruhlar maktabgacha ta’lim tizimining ajralmas qismi bo‘lib, ularning asosiy vazifalari quyidagilardan iborat:

O‘zbekiston Respublikasining ilk va maktabgacha yoshdagi bolalarining rivojlanishidagi ilg‘or xorijiy tajribani hisobga olgan holda davlat talablariga muvofiq bolalarning intellektual, axloqiy, estetik va jismoniy rivojlanishi uchun shart-sharoitlar yaratish;

bolalar salomatligini himoya qilish va rivojlantirish;

bolaning intellektual, shaxsiy va jismoniy rivojlanishini ta’minlash;

bolalarni milliy madaniyat va umuminsoniy qadriyatlar bilan tanishtirish;

o‘quv jarayoniga zamonaviy innovatsion pedagogik texnologiyalarni, o‘qitish va tarbiyaning samarali shakllari va usullarini joriy etish;

bolaning shaxsiyatining asoslarini shakllantirish, uning bilimga yo‘naltirilgan qiziqishlarini rivojlantirish;

bolalarni maktabga tayyorlash.