6. Buldozer ko‘chamizda yiqilay deb turgan devorlarni bir chekkaga surib yo‘l ochar edi gapidagi noo‘rin qo‘llangan so‘zni toping.
A) bir chekkaga B) buldozer C) yiqilay D) surib
7. Quyidagi birliklarning qaysi biridan nutqda har gal tayyor material sifatida foydalanamiz? 1) so‘z; 2) qo‘shma so‘z;
3) so‘z birikmasi; 4) ibora (frazeologik birlik).
A) 1, 2, 3, 4 B) 1, 3, 4 C) 1, 2, 4 D) 1, 4
8. Qaysi qatordagi gapda paronimlarning qo‘llanishi bilan bog‘liq uslubiy xato mavjud?
A) Shu kecha unga boshpana berib, qurut ayron bilan mehmon qildilar. B) Hamma jim, o‘z ishi bilan band, hech kimdan sazo chiqmadi. C) To‘rt devor asiri bo‘lib o‘tirishdan cho‘lga borib ishlashni afzal ko‘rdi. D) Ot chopsa gumburlar tog‘ning darrasi, Botirni ingratar nayza yarasi.
9. Qaysi qatorda yondosh o‘rnida uning paronimi qo‘llangan?
A) Yo‘lga yondash anhor shovillab oqardi. B) Yaxshiga yondash, yomondan qoch. (Maqol) C) Masalaga to‘g‘ri yondashmoq kerak. D) Durdona dugonalariga yondashib, soy bo‘yiga yo‘l oldi.
10. Quyidagi sinonim so‘zlardan qaysi birida salbiy bo‘yoqdorlik kuchli?
A) irshaymoq B) tirjaymoq C) iljaymoq D) ishshaymoq
11. Ijtimoiy-siyosiy atamalar qatlami qaysi uslubni shakllantiruvchi vositalar hisoblanadi?
A) rasmiy uslub B) so‘zlashuv uslubi C) publitsistik (ommabop) uslub D) badiiy uslub
12. Qaysi gapda so‘z qo‘llash bilan bog‘liq xato mavjud?
A) Tog‘da don topolmay och qolgan kakliklar gala-galasi bilan daraga yopirilib tushgan. B) Laziz yoqilg‘i to‘la bochkalarni birin-ketin dumalatib ayvon tagiga taxladi. C) Yormat boshini ko‘tardi, bir qo‘lini yerga tirab yonboshladi. D) Samarqand bilan yondash Buxoroda xalqning, amirlikka qarshi qudratli harakati yanada rivojlandi.
Do'stlaringiz bilan baham: |
