1-laboratoriyalíq jumíS. Tema: aqaba suwlardíŃ pataslaníw dárejesin aníqlaw. Jumıstıń maqseti

Turaqlı qattılıq - bul bir saat qaynatıwdan keyingi suwdiń qattılıǵın, yaǵnıy sulfatlı hám xlorid kalsiyli, temirli, magniyli, kaliyli, natriyli duzlar muǵdarın, yaǵnıy suw qaynatilganda, shókpege túspeytuǵın duzlardıń bar ekenligin bildiredi.

Qaytarılatıǵın qattılıq - suwdaǵı gidrokarbonat Ca (NSO³) 2 dıń, kem muǵdardaǵı magniy duzlarınıń bar ekenligi bildiredi.Suw qaynatilganda, duzlar ıdıstıń diywallarına qoqım kórinisinde shógedi.

Mámleketlik Standart boyınsha 2874-82 ge teń bolıp suwdiń ulıwma qattılıǵı ishimlik suwında 7 mg -ekv/dm³ ten joqarı bolmawi kerek.

Sanitariya hám epedemiologiya shólkemleri menen qabıl etilgen shártnamaǵa tiykarınan, arnawlı islew berilmay trubalarǵa jiberiletuǵın suwda duzlardıń muǵdarı 10 mg. ekv/dm³ ke shekem bolıwına ruxsat etiledi. Júdá qattı suw jaǵımsız dámge iye bolıp, ol búyrekte tas keselligin rawajlandıradı.

Suwdiń ulıwma qattılıǵı kalsiy hám magniy ionları menen N trilon B eritpesiniń bekkem kompleks birikpelerin payda etiwine tiykarlanǵan kompleksonometrik usılında anıqlanadı.

Suwdiń ulıwma qattılıǵın kompleksonometrik usıl menen anıqlaw.

Ílaylı suwdıń qattılıǵın anıqlawdan aldın, onı filtrlew kerek. Sıyımlılıqı 250 sm³ bolǵan konuslı kolbaǵa tekserilip atırǵan 100 sm³ filtrlengen suw hám 100 sm³ kólemde distilllangen suw aralastırıp salınadı. Keyininen 5 sm³ buferli eritpe, 5-7 tamshı indikator qosıladı, 0.005 N trilon B eritpesi eritpediń reńi ózgergenge shekem kúshli chayqatılıp 3 márte terbetiledi. Terbeliw “gúwa”nıń qatnasıwında alıp barıladı.

Eger terbeliste 0,005 N trilon B eritpesi 10 sm³ ten kóp sarplanǵan bolsa, ol jaǵdayda anıqlawdı qayta tákirarlaw kerek boladı.Onıń ushın kishi kólemde suw alıp, oǵan distillengen suw qosıp, kólemi 100 sm³ ke shekem jetkiziledi.

Ekvivalent noqatta reńniń anıq ózgermeytuǵınlıǵı onıń quramında mıs hám cink bar ekenin kórsetedi. Olardıń tásirin jaqsılıw ushın terbelisten aldın suwǵa 1-2 sm³ natriy sulfit eritpesi qosıladı, odan keyin anıqlaw ótkeriledi. Eger titrlanayotgen eritpe áste -aqırın reńi ózgerse, bul jaǵdayda marganes qatnasıw jetip atırǵanın kórsetedi. Bunday jaǵdayda úlgi suwǵa reaktivlerdi qosıwdan aldın, 1% gidroxlorid gidroksialindan 5 tamshı qosıw hám sonnan keyin onıń qattılıǵın anıqlaw kerek.