Маънавий-маърифий тадбирлар неча турга бўлинади?
Маънавий-маърифий тадбирлар 2 турга бўлинади:
а) режа асосида ўтказиладиган тадбирлар;
б) режадан ва навбатдан ташқари ўтказиладиган тадбирлар.
Режа асосида ўтказиладиган тадбирлар қандай тадбирлар ва улар неча хил бўлади?
Режа асосида ўтказиладиган тадбирлар йилнинг бошида ҳудуд, корхона, ташкилот ёки муассасанинг умумий йиллик иш режаси ва маънавий-маърифий ишлар бўйича тайёрланадиган режага киритилган бўлади.
Бундай тадбирлар ҳам ўз ичида 3 хил йўналишга бўлинади. Яъни:
Миллий ва халқаро байрамлар (Янги йил, Халқаро хотин-қизлар куни, Наврўз, Хотира ва қадрлаш куни, Мустақиллик байрами, Устоз ва мураббийлар куни, Ўзбекистон Республикасининг Конституцияси қабул қилинган кун), касб байрамлари (Ватан ҳимоячилари куни, Матбуот ва ОАВ ходимлари куни, Ички ишлар ходимлари куни, шифокорлар куни ва шу кабиларга) ва умумжаҳонда қабул қилинган саналарга (Болаларни ҳимоя қилиш куни, Гиёҳвандликка қарши кураш куни, Ногиронлар куни, ОИТСга қарши кураш куни ва бошқа шу кабиларга) бағишланган тадбирлар.
Буюк алломалар, фан, таълим, адабиёт, санъат ва бошқа соҳалар намояндаларининг туғилган кунларига бағишланган тадбирлар.
Шахс маънавиятини янада бойитиш ва маънавий-мафкуравий, ахборот хуружларининг олдини олишга, миллий урф-одат ва анъаналарни сақлаб қолишга қаратилган тадбирлар.
Режадан ва навбатдан ташқари ўтказиладиган тадбирлар қандай тадбирлар?
Режадан ва навбатдан ташқари ўтказиладиган тадбирлар янги қабул қилинган қонун, фармон, қарор, фармойишларнинг мазмун-моҳиятини тушунтириш мақсадида, Олий Мажлис палаталари, Вазирлар Маҳкамаси, вазирлик ва идорларнинг йиғилиш баёни қарорлари, ҳудуд ёки соҳа раҳбарларининг топшириқлари ҳамда ижтимоий аҳамиятга молик бўлган йирик халқаро ва республика тадбирлари, текшириш ва ўрганишлар натижаларидан келиб чиқадиган хулосалар асосида ўтказиладиган тадбирлар бўлиб, улар учун алоҳида режа тузиб олиш мақсадга мувофиқ.
Do'stlaringiz bilan baham: |
