Mashqlar bajarish; (Talabalar mashqlarni sharti asosida navbat bilan bajaradilar va javoblarning to‘liq va mukammal bo‘lishi o‘qituvchi va talabalar tomonidan qatьiy nazoratga olinadi.)
199-mashq. Gaplarni o‘qing, olmoshlarni aniqlang. Kishilik olmoshi ishtirok etgan gaplarni ko‘chiring, olmoshning tagiga chizib, shaxs va sonini ayting.
Namuna: Onam uchun benihoya og‘ir bo‘lgan o‘sha kunlarda men qo‘limdan kelgancha unga yordam qilardim.
Men- I shaxs, birlik.
1. Onam uchun benihoya og‘ir bo‘lgan o‘sha kunlarda men qo‘limdan kelgancha unga yordam qilardim. (N. S.) 2. Hayhot, uning so‘nggi umidi ham chil-chil sindi. U shahzoda Abdullatifning katta qo‘shin bilan Jayhundan o‘tib, Keshga yaqinlashayotganini bilsa-da, bu mustahkam qal’a unga jang-jadalsiz taslim bo‘lishini kutmagan edi. U Amir Kamoliddinga ishonar, uning qal’a kalitini shahzodaga qarshiliksiz topshirishini sira kutmagan, chunki uni o‘zining eng sodiq amirlaridan biri deb o‘ylardi. (O.Yo.) 3. O‘zing-ku maktabxonada binoyiday ishlab yuruvding. (H. N.) 4. Nimadan cho‘chib, nimaning mulohazasiga boryapsizlar? (N. S.) 5. Ali Qushchi negadir bir sapchib tushdi. Mirzo Ulug‘bek uning tepasida hamon qo‘l qovushtirib turar, horg‘in ko‘zlari qisilgan edi. (O. Yo.) 6. Hech kimga, hech bir zotga qalbida nimalar kechayotganini bildirmasdi. (CH. Ayt.) 7. Biz keyingi vaqtlarda maktab uchun yaxshi g‘amxo‘rlik qilmayapmiz. Bu — bizning aybimiz. (F. Niyoziy.)
Do'stlaringiz bilan baham: |