1 ma’ruza “Ta’lim to‘g‘risida”gi Qonun va “Kadrlarni tayyorlash Milliy dasturi” ta’limni boshqarish metodologiyasining asosi sifatida

Shaxslarga, ta’lim xizmati talabgori sifatida, davlat ta’lim standartlari orqali sifatli ta’lim va kasbiy tayyorgarlik kafolatlanadi.
Shaxs – ta’lim xizmati ko‘rsatuvchi sifatida, tegishli darajada malaka hosil qilib o‘quv-tarbiya jarayonini amalga oshirishda bilim malaka va ko‘nikmalarini shakllantiradi va boshqalarga beradi.
Davlat va jamiyat kafolatlaydi: fuqarolar ta’limga, kasb tanlash va malaka oshirishga bo‘lgan huquqlarini amalga oishirishini; akademik lisey yoki kasb-hunar kolleji o‘qishga yo‘llashni tanlash huquqini majburiy umumiy o‘rta va o‘rta maxsus kasb ta’limi olishni; davlat granti yoki xaq to‘lash-kontrakt asosida oliy va OTMni tugatgandan keyingi ta’lim olish huquqini; davlat ta’lim muassasalarini moliyalash; o‘qiyotganlarning o‘qish, yashash va dam olish sharoitlarini ta’minlash bo‘yicha masalalarini yechishda jamoatchilik boshqaruvini rivojlantirish; ta’lim jarayoni qatnashlilarini ijtimoiy muhofazalash va b.
Uzluksiz ta’lim ijodkor, ijtimoiy faol, ma’naviy boy shaxsni shakllantiruvchi va yuqori malakali raqobatbardosh kadrlar tayyorlashda oldinda borishlik uchun zarur sharoitlar yaratadi. Ta’limning turlari: maktabgacha, umumiy o‘rta, shrta maxsus, kasbiy, oliy, oliy ta’limdan keyingi, maktabdan tashqari, malaka oshirish va kadrlar qayta tayyorlash.
Quyidagilar uzluksiz ta’limning asosiy tamoyillari hisoblanadi:
- ta’limning ustuvorligi – uni rivojlantirish birinchi galdagi vazifaligi, bilimning, ma’lumotlikning va yuqori salohiyatning qadrliligi;
- ta’limni demokratlashtirish – ta’lim va tarbiya ususllarini tanlashda ta’lim muassasasi mustaqilligini kengaytirish, ta’limni boshqarishda davlat-jamoatchilik tizimiga o‘tish;
- ta’limni insonparvarlashtirish – inson qobiliyatini yuzaga chiqarish, uning turli ta’limga bshlgan ehtiyojlarini qondirish, milliy va umuminsoniy qadriyatlar ustuvorligini ta’minlash, shaxs, jamiyat va atrof muhit munosabatini uyg‘unlashtirish;
- ta’limni gumanitarlashtirish – ta’lim oluvchilarda estetik boy dunyoqarashni,yuqori ahloqiylikni, madaniyat va ijodiy fikrlashni shakllantirish;
- ta’limni milliy yo‘nalganligi – uning millat tarixi, xalq an’analari va urf-odatlari hamda O‘zbekiston xalqlari madaniyatini boyitish, boshqa xalqlar tarixi va madaniyatiga hurmat bilan bog‘liqligi;
- ta’lim va tarbiyaning ajralmasligi;
- iqtidorli yoshlar bilan ishlash - ularga yuqori saviyada bilim, ko‘nikma va malaka olishlari, qobiliyatlarini o‘stirishlari uchun sharoit yaratish.
Fan Kadrlar tayyorlash milliy modeli doirasida: kadrlar tayyorlash tizimida foydalanish uchun tabiat va jamiyat rivojlanishining qonuniyatlari to‘g‘risidagi g‘oyalarni o‘yg‘unlashtiradi va ular haqida yangi nazariya va amaliy bilimlar yaratadi; oliy malakali ilmiy va pedagogik kadrlar tayyorlashni amalga oshiradi; kadrlar tayyorlash jarayonini ilmiy-tadqiqiy ta’minlash infratuzilmasini yaratadi; axborot texnologiyalardan foydalanish uchun bilimning turli sohalariga taaluqli ma’lumotlar jamg‘armasini tashkil qiladi.