1-masala. Daftar ruchkadan arzon, lekin qalamdan qimmat. Bu o`quv jihozlari ichida eng arzonini aniqlang? 2-masala

Omatillo Qayumjonov [phone] [phone]

1-masala. Daftar ruchkadan arzon, lekin qalamdan qimmat. Bu o`quv jihozlari ichida eng arzonini aniqlang?
2-masala. Sevara, Lazokat va Iroda opa-singillardir. Sevaraning yoshi Lazokatdan katta, lekin Irodadan kichik. Opa-singillardan qay birining yoshi eng katta ekanini aniqlang?
3-masala. Mahmudning bo`yi Zokirdan baland, Ikromdan esa past. Bolalardan qay birining bo`yi eng baland ekanini aniqlang?
4-masala. Dilshod, Baxrom, Mo`ydin va Sobir sport zali oldida uchrashishga kelishishdi. Agar Sobir Dilshoddan oldin kelgan bo`lib, lekin birinchi bo`lib kelmagan bo`lsa, Baxrom esa eng keyin kelgan bo`lsa, bolalar uchrashish joyiga qanday ketma-ketlikda kelganligini aniqlang.
5-masala. Akrom do`stlarini tug`ilgan kuniga taklif etdi. Mehmonlardan Laziz Mahmuddan oldin, Vali Zokirdan keyin, Mahmud Zokirdan oldin, Salim Validan keyin tabriklagani kelishdi. Mehmonlar qanday tartibda kelishgan?
6-masala. Yugurish bo`yicha musobaqada 5 ta o`quvchi: Ahmad, Botir, Vali, Salim va Davron ishtirok etdi. Musobaqalar natijasi haqida Muhlisa dugonasiga quyidagilarni aytdi: Vali marraga Ahmaddan keyin, lekin Salimdan oldin keldi. Botir Ahmaddan oldin keldi, lekin birinchi bolmadi. Bolalardan har biri qaysi o`rinlarni egallaganligini aniqlang?
7-masala. Sinfda o`tkazilgan shashka musobaqasida Ahmad, Botir, Vali va Sohib ishtirok etdi. Ahmad birinchi o`rinni ham, oxirgi o`rinni ham egallamaganligi, Sohib ikkinchi o`rinni egallaganligi, Botir esa birinchi o`rinni egallamaganligi ma’lum bo`lsa, ishtirokchi bolalarning har biri qaysi o`rinni egallagan?
8-masala. Matematikadan o`tkazilgan olimpiadada Barno, Karim va Lobar sovrinli o`rin egallashdi. Lobar birinchi o`rinni egallamaganligi, Barno birinchi o`rinni ham, ikkinchi o`rinni ham egallamaganligi ma’lum bo`lsa, ishtirokchi bolalarning har biri qaysi o`rinni egallagan?
9-masala. Uchta o`qituvchi Barno Xamidovna, Ra’no Dolimovna, Zaxro Karimovnalar uchta turli fandan(matematika, biologiya va kimyo) Andijon, Namangan va Farg`ona shaharlaridagi maktablarda dars beradilar.
Agar quyidagilar ma’lum bo`lsa:
1) Barno Hamidovna Andijonda, Ra’no Dolimovna Farg`onada ishlamaydi;
2)Andijonlik o`qituvchi matematika fanidan dars beradi;
3)Farg`onada yashovchi o`qituvchi kimyo fanidan dars beradi;
4) Ra’no Dolimovna va Zahro Karimovnalar biologiya fanidan dars bermaydi, ularning har biri qaysi shaharda va qanday fandan dars berishini aniqlang?
10-masala. Qayiqchi bo`ri, echki va karamni daryoning bir qirg`og`idan ikkinchi qirg`og`iga qayiqda o`tkazib qo`yishi kerak: Har bir kechib o`tishda u faqat bitta passajirni olib o`tishi mumkin. Lekin bo`ri va echkini, hamda echki va karamni qarovsiz qoldirib bo`lmaydi. Qayiqchi barchani qanday qilib daryoning bir qirg`og`idan ikkinchi qirg`og`iga olib o`tishi mumkin?
11-masala. Uchta turist daryoning bir qirg`og`idan ikkinchi qirg`og`iga o`tishi lozim. Qirg`oqda 100 kg yuk ko`tara oladigan eski qayiq bor. Turistlardan birining massasi 45 kg, ikkinchisiniki -50 kg, uchunchisiniki-80 kg. Daryoning bir qirg`og`idan ikkinchi qirg`og`iga o`tib olish uchun ular qanday harakat qilishlari lozim.
12-masala. O`g`il, ona, ota va buvidan iborat oila kechqurun ko`prikka yetib kelishdi. Ota ko`prikdan 1 minutda, ona-2 minutda, o`g`il-5 minutda, buvi-10 minutda o`tib olishi mumkin. Ko`prik faqat 2 kishini ko`tara oladi. Ularning qo`lida fonar bor. Agar ko`prikda fonarsiz harakat qilish mumkin bo`lmasa, ular ko`prikdan 17 minutda o`tib olishlari mumkinmi?
13-masala. Ota ikkita o`g`li bilan daryodan o`tishi kerak. Qirg`oqda bitta qayiq bo`lib, u faqat otani yoki ikkita o`g`ilni ko`tara oladi, xolos. Ota bilan o`g`illar qanday qilib daryoning u qirg`og`iga o`tishi mumkin.
14-masala. Daryoning bir qirg`og`idan ikkinchi qirg`og`iga qanday qilib echki, karam, ikkita bo`ri va itni qayiqda olib o`tish mumkin? Qayiqda faqatgina 3 ta o`rin bo`lib, qayiqchi va ikkitadan ortiq bo`lmagan hayvonlar, yoki qayiqchi, bitta hayvon va karamni joylashtirish mumkin. Ammo qirg`oqning bir tomonida bo`ri bilan echki va itni birga, shuningdek, echki bilan itni birga, hamda karam bilan echkini birga qoldirib bo`lmaydi.
15-masala. 7 litr hajmli va 3 litr hajmli idishlardan foydalanib, ichimlik suvi jo`mragidan 5 litr suvni qanday qilib quyib olish mumkin? Idishlardagi suvni to`kish uchun suv chanog`i mavjud.
16 – masala. 5 litr xajmli va 3 litr xajmli idishlardan foydalanib, ichimlik suvi jo`mragidan 1 litr suvni qanday qilib quyib olish mumkin? Idishlardagi suvni to`kish uchun suv chanog`i mavjud.
17- masala. 9 litrli va 12 litrli idishlardan foydalanib, 4 litr suvni o`lchab olish mumkinmi?