2004 yil iyunida Shanxay hamkorlik tashkilotining Toshkentda bo’lib o’tgan Sammitida xavfsizlikka tahdidlar masalasida yagona yondashuv va qarash, yuqori malakali mutaxassislar tayyorlash, maxsus xizmatlar va huquqni muhofaza qiluvchi organlar o’rtasida mustahkam hamkorlikni yo’lga qo’yish, xalqaro miqyosdagi etakchi aksilterror markazlari (BMT, Interpol, ASEAN) bilan konstruktiv hamkorlik qilish
Shanxay hamkorlik tashkiloti faoliyatida “uch yovuz kuch”, ya’ni “terrorchilik”, “ayirmachilik” (separatizm) va “ekstremizm”ga qarshi kurashda hamkorlikni rivojlantirish alohida o’rin tutadi. 2004 yil 1 yanvaridan boshlab, Toshkentda ShHTning Mintaqaviy aksilterror tuzilmasi faoliyat yuritmoqda. Bu tuzilma faoliyati tufayli ko’plab sodir etilishi mumkin bo’lgan terrorchilik harakatlarining oldi olinganligi ma’lum.
2012 yilning sentyabr oyida qabul qilingan “O’zbekiston Respublikasining tashqi siyosiy faoliyati kontseptsiyasini tasdiqlash to’g’risida”gi qonun O’zbekiston tashqi siyosatida o’zining uzoq muddatli milliy manfaatlarini ko’zlagan asosiy tamoyillarni namoyon qiladi.
Ushbu kontseptsiya davlatimizning xalqaro maydondagi asosiy tamoyillari, strategik ustuvor yo’nalishlarini belgilab beradi va O’zbekiston tomonidan mamlakatimiz mustaqilligining birinchi yillaridan boshlab amalga oshirilayotgan strategiyaning mantiqiy davomidir.
2016 yilning 23-24 iyunida Toshkentda ShHT davlat rahbarlari sammiti bo’lib o’tdi. Sammit yakunida ShHTning o’n besh yilligi Toshkent deklaratsiyasi qabul qilindi.
Toshkent sammiti yakunida tashkilotning 2016-2020 yillardagi amaliyot dasturi hamda ShHTning 2025 yilga qadar Rivojlanish strategiyasi qabul qilindi.
Undan tashqari, tashkilotning Hududiy Aksil-Terror Tizimi (RATS) Kengashining 2015 yildagi faoliyati haqidagi bayonoti tasdiqlanib, uning 2016 yilgi amaliyot rejasi qabul qilindi. Shuningdek, ShHTga a’zo mamlakatlarning huquqni muxofaza qiluvchi idoralari, jumladan ichki ishlar organlarining terrorchilik, separatizm, ekstremizm va giyohvandlikka qarshi birgalikda harakat qilishi, bu borada o’zaro axborot almashishi yaxshi samara bermoqda.
Do'stlaringiz bilan baham: |
