1-Мавзу: Fanning maqsadi va vazifasi bilan tanishish «Мутахассисликка кириш» фанининг предмети ва вазифалари

Мутахассисликка кириш” фаннинг олдига қўйган мақсади

Бугунги фан ва техника ривожланаётган, босқичма босқич бозор иқтисодиётига ўтилаётган вақтда халқ хўжалигининг бошқа тармоқлари сингари қишлоқ хўжалиги сохасида ҳам туб ўзгаришлар киритишни тақазо этади. Бунинг учун эса бу соҳада илм фан ютуқларини кенг жорий этиш, илғор технологияларни тадбиқ этиш лозим.
Қишлоқ хўжалиги олдида турган асосий вазифа ҳар қандай йўл билан экинлар хосилдорлигини ошириш эмас, балки экинлар хосилдорлигини ошириш билан бир вақтда махсулот таннархини камайтириш, меҳнат унумдорлигини ошириш ва махсулот сифатини яхшилаш ҳисобланади.
Мустақиллигимизнинг дастабки йилларида, биринчи навбатда, озиқ-овқат танқислигининг олдини олиш бўйича дастурлар қабул қилиниб, ижроси таъминланган бўлса, бугунги кунда озиқ-овқат маҳсулотларини экспорт қилиш имконияти кенгайиб бормоқда.
Президентимизнинг «2015-2019 йиллар учун ишлаб чиқаришнинг тўзилмавий қайта тўзилиши, замонавийлашиши ва диверси-фикациясини таъминлаш бўйича чора-тадбирлар дастури тўғри-сида»ги Фармонига кўра, 5 йил ичида 876 та инвестицион лойиҳани амалга ошириш режалаштирилган.
Шулардан фақат озиқ-овқат саноати соҳасида янги ишлаб чиқаришларни ташкил этиш, мавжудларини модернизациялаш ва қувватларни ошириш мақсадида 2020 йилга қадар фақат давлат инвестиция дастурларига кўра, 304 та йирик лойиҳа ва 5000 та янги ишлаб чиқариш корхонаси ташкил этилиши кўзда тутилган. Бу эса йилига қўшимча равишда 100 минг тонна озиқ-овқат саноати маҳсулотлари, 130 хилдаги янги маҳсулот ишлаб чиқаришни йўлга қўйиш имконини беради. Агроном - дунёдаги барча жонзот ва инсонларни боқиш учун ёрдам берадиган машаққатли ва ҳамиша керак ягона касб ҳисобланади.
Ўзбекистон Республикаси томо-нидан инсон хуқуқлари, таълим ва конвенцияларнинг бажарилиш, кадрлар тайёрлаш сохасида жаҳон илғор тажрибасини ҳисобга олиш ўзлуксиз таълим ва кадрлар тайёрлаш тизимининг барча жиҳатларига дахлдор бўлиб, уларнинг ривожланиш омилларидан биридир.