1-мавзу. ИҚтисодиёт назарияси фанининг предмети ва билиш усуллари

4-жадвал. Сўмнинг АҚШ долларига нисбатан айирбошлаш курси
(ўртача кўрсаткичлар)

Давр	Марказий банк айирбошлаш курси (сўм/$)	Ўтган даврга нисбатан ўзгариши (%)	Нақд хорижий валюта курси (сўм/$)	Аввалги даврга нисбатан ўзгариши (%)
2000	236,6	89,9	450,1	183,5
2001	422,9	78,8	829,0	84,2
2002	770,8	82,3	1093,8	31,9
2003	979,39	26,0	995,1	-9,0
2004	1058	8,0	1062,5	6,8

Манба: ЎзР Марказий банки маълумотлари.

Ўзбекистон Марказий банки мавсумий тебранишларни камайтириш ва олтин-валюта заҳираларини кўпайтиришни ҳисобга олган ҳолда ўзгарувчан валюта курси режимини қўллаб келмоқда. 2004 йил мобайнида валюта сиёсатининг асосий эътибори айирбошлаш курсининг барқарорлигини таъминлашга ва конвертация қилинган сўмнинг жорий тўловларни амалга ошириш бўйича мажбуриятларини бажаришга қаратилди. 2004 йил натижаларига кўра миллий валютанинг реал айирбошлаш курсининг пасайиши кузатилди. АҚШ долларига нисбатан 9,6%, Еврога нисбатан – 4,8%га, Россия рублига нисбатан – 19,6%га пасайди. Бу миллий валюта сўмнинг мамлакатнинг асосий ташқи иқтисодий хамкорлари валютасига нисбатан пасайиши маҳаллий товарларнинг жаҳон бозорида нарх рақобатбардошлигини таъминлайди.

Агар Ўзбекистонда муомаладаги пул массасининг кўпайиши оқибатида, товарлар нархи икки марта ошса ва барча шароитлар тенг бўлганда долларнинг сўмга айирбошлаш курси икки марта ошади.