1-mavzu. Kirish. Kompyuter grafikasi va dizayn haqida asosiy tushunchalar. Kompyutеr grafikasi paketlarining asosiy tushunchalari

_________
6-mavzu. Grafik tasvirlar hosil qilish.
Kompyuter grafikasi 2 xil bo‘ladi: vektorli va rastrli (nuqtali). Vektorli grafika muharrirlariga misol qilib Adobe Illustrator, Corel Draw va Macromedia Flash dasturlarni aytish mumkin. Ushbu dasturlarda rasmlar har xil chiziqlar va qiyshiq vektorlardan iborat bo‘ladi.

Vektorli grafikada yaratilgan rasmlar logotip, illustratsiyalar va zastavkalar yaratishda foydalaniladi. Rastrrli grafika muharrirlariga misol qilib Adobe Photoshop va Paint dasturlarini aytish mumkin. Ushbu dastrularda rasmlar mayda kvadrat-piksellardan iborat bo‘lib mozaika holatida rasmni hosil qiladi. Rastrrli grafikadan raqamli fotosuratlar va skanerdan olingan rasmlar bilan ishlash uchun foy- dalaniladi.

Kompyuter grafikasida duymdagi piksellar soni (dpi) asosiy shart bo‘ladi. Piksellar soni qancha ko‘proq bo‘lsa, tasvir shuncha sifatliroq bo‘ladi. Masalan, agar dpi = 72 bo‘lsa, u holda I kvadrat duymga 5184 piskel joylashadi va uning hajmi 6 Kb bo‘ladi, agar dpi = 144 bo‘lsa u holda 1 kvadrat duymga 20736 piskel joylashadi va endi uning hajmi 21 Kb ga teng bo‘ladi. Shu bilan birga, monitorning ko‘rsatish va printerning chiqarish sifati – duymga piskellar soni (dpi) (72 yoki 96 dpi) va duymga chiziqlar soni (lpi) (300–2400 dpi lazerli, sepuvchi printerlar uchun va 75–200 lpi matrisali printerlar uchun) hamda kompyuter ranglar sifati (2, 16, 256, 32 000, 16 000 000 ranglar soni) ham katta ahamiyatga ega bo‘ladi.

Adobe Photoshop - bu Adobe Systems tomonidan ishlab chiqilgan va tarqatilgan ko'p funksiyali grafik muharriri. U asosan rastrli tasvirlar bilan ishlaydi, lekin u vektor uskunalariga ham ega. Mahsulot rastr tahrirlash vositalari va eng mashhur ishlab chiquvchi dasturlar orasida tijoriy bozor yetakchisi hisoblanadi.
Photoshop hozirda macOS, Windows va iPadOS platformalarida mavjud. Windows Phone va Android uchun ilovaning Adobe Photoshop Touch deb nomlangan soddalashtirilgan versiyasi mavjud. Windows Phone 8 va 8.1 uchun Photoshop Express versiyasi ham mavjud